Kawlphetha pek chhunzawm loh ah vau niin sawi

Zonuna Kawlni /

Congress Thalai, Mizoram Pradesh Youth Congress Committee (MPYCC) chuan Mizoram sawrkar in kawlphetha chhit man ba a rulh loh chuan Eng rawn pek chhunzawm loh ah an vau mek niin an sawi.

Nimin a thuchhuah an siamah MPYCC chuan Mizoram kawlphetha chawmtu NHPC Limited (A Govt. of India Enterprise) chuan April 19, 2021 khan Mizoram sawrkar-a P&E Engineer-In-Chief hnenah lehkha thawnin Ministry of Power, Govt. of India, dan tharin a phut angin Mizoram sawrkarin kawlphetha a chhit man ba cheng vbc. 1.42 chu ni 45 a liam tawh avangin he leiba hi April thla chhunga a rulhloh chuan kawlphetha a rawn pe chhunzawm thei dawn tawh lo tih a hrilh niin an tarlang a. NHPC Limited laka Sawrkarin kawlphetha chhit man a bat hi a pung nen cheng vbc. 2.49 a tling mêk niin an tarlang.

Hei bakah hian NEEPCO Limited pawhin April 20, 2021 khan P&E Engineer-In-Chief hi ba thinna lehkha thawn ve lehin Mizoram sawrkar chuan an lakah kawlphetha chhitna leiba cheng vbc. 42.49 a neih thu a tarlang tih an sawi a, heng zingah hian cheng vbc. 9.71 chu ni 45 chuang bat a ni tawh a. Cheng vbc. 11.28 chu April 25, 2021-a ni 45 tling leh tur a nih avangin Ministry of Power dan thar zawmin hemi hunchhunga kawlphetha chhit man ba ni 45 tling tawhte hi sawrkarin a rulh loh chuan hma an lak tur thu an hrilh bawk tih an tarlang bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »