Mizoram-ah hri danna pek chhunzawm zel a ni

Inrinni thleng khan Mizoram-ah mi 1,66,417 te hnenah COVID-19 Vaccine Dose 1-na pek a ni tawh a, an zinga mi 41,313 te chu Dose 2-na pek an ni tawh bawk.

Health Department hotute sawi danin kumin January ni 16-a Mizoram-a COVID-19 Vaccine, Covishield pek tan a nih hnuah District hrang hrangah Vaccine pek hna hi kalpui mek zel a ni a, Inrinni tlai thleng khan Mizoram-a mi 1,66,417 te chu hri danna Dose 1-na pek ni tawhin an zinga mi 41,313 te chu Dose 2-na pek an ni tawh bawk a, hri danna Dose 1-na pek zinga za zela 24.82 te chu Dose 2-na pek an ni tawh a ni. Mizoram-ah hian Health Care Workers mi 13,259 te chu Vaccine Dose 1-na pek ni tawhin an zinga mi 10,950 te chu Dose 2-na pek an ni tawh a, Frontline Workers mi 24,950 te chu Dose 1-na pek ni tawhin an zinga mi 15,702 te chu Dose 2-na pek an ni tawh bawk a. Kum 45 atanga 60 inkar mi 87,521 te chu Dose 1-na pek ni tawhin an zinga mi 1305 te chu Dose 2-na pek an ni tawh bawk a. Kum 60 chunglam mi 40,687 te chu Dose 1-na pek ni tawh bawkin an zinga mi 13,356 te chu Dose 2-na pek an ni tawh bawk.

Serchhip District-ah pawh hri danna hi pek zel niin Health Care Workers mi 717 te chu hri danna Dose 1-na pek ni tawhin an zinga mi 709 te chu Dose 2-na pek an ni tawh a, Frontline Workers mi 2352 te chu Dose 1-na pek ni tawhin an zinga mi 1550 te chu Dose 2-na pek an ni tawh a. Kum 45 atanga 60 inkar mi 4239 te chu Dose 1-na pek ni tawhin mi 87 te chu Dose 2-na pek an ni tawh bawk a. Kum 60 chunglam mi 3449 te hnenah Dose 1-na pek ni tawhin an zinga mi 1248 te chu Dose 2-na pek an ni tawh bawk a ni.