Latest News

Observer in thawktute kawm

Election Commission of India in Serchhip bial Assembly bye-election neih tura Expenditure Observer tura a ruat, Pankaj Upadhyay IDAS chuan nimin khan Expenditure Monitoring Cell a thawktute leh Political Party aiawhte a kawm.

Serchhip DC Meeting Hall-a Expenditure Observe in Expenditure Monitoring Cell a thawktu te leh Political Party aiawhte a kawmna ah hian inthlanna kal meka Candidate te sum hman dan vil danphung te a sawipui a, Expenditure Observer chuan mipuite chu inthlan kalpui chhoh mekah campaign leh thil danga sum hmanna diklo leh fello awm emaw, inthlan insenso thil a hriat duh leh zawhfiah duh an neih te a zawhfiah theih reng tih sawiin, inthlanna fel fai a awm theih nana thawhpuiah mitinte a sawm a ni.

Nimin-a he hun hmanna ah hian Expenditure Monitoring Cell hnuaia hnathawktu hrang hrang, Flying Squad te, Video Surveillance Team te, Static Surveillance Team te, Video Viewing Team te, Accounting Team te, MCMC te leh Assistant Expenditure Observer hote hmalak dan tur tlangpui sawifiahna neiin, heng Team hrang hranga thawkten zawh duh an neih te zawhna hun a hawng a. Sawihona leh hriatfiah duh inhrilh-hriatna hun hman zui a ni. Chumi hnuah Political Party aiawhte pawh sawi duh an neih leh zawh duh an neih te zawhna hun hawn sakin hun an hmang leh bawk.

Comments

Popular News (Last 30 Days)