National Panchayati Raj Day-ah VC 4 in Award dawng

/

Inrinni kalta, April 24, 2021 kha ‘National Panchayati Raj Day’ a ni a, Mizoram atangin Village Council pali (4) te chuan National Panchayat Award an dawng a ni.

National Panchayati Raj Day hi ruahmanna hmasa ah chuan Delhi-ah hman tur ni mah se hri leng avanga thulh niin Video Conference kaltlanga hman a ni ta zawk a, Mizoram-ah pawh Local Administration Department hmalakna in he hun hmanna ah hian lo tel niin Prime Minister, Narendra Modi chuan thu a sawi bakah National Panchayat Award dawngtu Panchayat/Village Council te hnenah lawmman a sem a, Mizoram atangin Village Council 4 te chuan lawmman hi dawngin Prime Minister hian a dawngtu tur Village Council te Bank Account theuh ah Public Financial Management System (PFM) kaltlangin a dahlut nghal a, Mizoram atanga Award dawngtute hnenah hian LAD Secretary, Vanlalngaihsaka chuan lawmpuina Certificate a hlan bawk a ni.

Mizoram atanga National Panchayat Award hi Aizawl District-a Maubuang Village Council chuan Deen Dayal Upadhyay Panchayat Sashaktikaran Puraskar (DDUPSP) hnuaia Sanitation Theme atanga dawngin cheng nuai nga leh Certificate ruahman a ni a. Lunglei District-a Mualthuam ‘N’ Village Council chuan Nanaji Deshmukh Rashtriya Gaurav Gram Sabha Puraskar (NDRGGSP) dawngin khawtlang hmasawnna hnathawh kawnga Gram Sabha (Vantlang Rorel Inkhawm) hmang tangkai lawmman niin cheng nuai 10 leh Certificate ruahman a ni.

Kolasib District-a Kolasib Venglai Village Council chuan Gram Panchayat Development Plan Award (GPDPA) dawngin khaw hmasawnna tura ruahmanna siam tha leh thawk tha chawimawina niin cheng nuai 5 leh Certificate a kengtel a. Aizawl District atang bawk hian Sawleng Village Council chuan Child-Friendly Gram Panchayat Award (CFGPA) dawngin naupang hriselna leh hmasawnna kawnga thawk tha chawi-mawina a ni a, cheng nuai 5 leh Certificate ruahman a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »