Latest News

Nomination Paper hnawl awmlo

Serchhip bial Assembly bye-election neih tur atana Nomination Paper thehluh te chu nimin khan enfiah niin inthlan chuh tuma hming pekluh zingah hnawl an awmlo.

April ni 17, 2021-a Serchhip bial Assembly bye-election lo awm tura chuh tum mi paruk te'n Nomination Paper an thehluh te hi nimin chawhma lam khan Retuning Officer leh District Bawrhsap, Kumar Abhishek hovin a Pisa-ah enfiah a ni a, he hun hi he inthlanna neih tura General Observer, Lokesh Kumar IAS chuan a telpui a, he inthlanna chuh tura Nomination paper thehluh zingah hian hnawl awm lovin an vaiin pawm vek a ni.

Tarlan tawh angin he inthlanna chuh tur hian BJP atangin Lal Hriatrenga Chhangte, INC atangin PC. Laltlansanga, MNF atangin Van-lalzawma, ZPM atangin Lalduhoma, PC Party atangin Vanlalruata leh Independent-a chuh tur Ramhlun-Edena te chuan Nomination Paper an thehlut a, he inthlanna chuh tuma hming pelut te tan hian April 3, 2021, tunkar Inrinni thleng khian inhnuhdawh theihna hun hawn chhunzawm a ni leh dawn a ni.

Comments

Popular News (Last 30 Days)