Ni 2 chhungin hri kai 54 zet hmuhchhuah leh an ni

/

Mizoram-ah COVID-19 hri kai hmuhchhuah an pung zel a, ni 2 chhung chauhin hri kai mi 54 zet hmuhchhuah an ni.

India rama COVID-19 hri a hluar thar leh laiin Mizoram-ah pawh hri kai hmuhchhuah an pung zel a, Zirtawpni khan Mizoram-ah Sample 785 enfiah niin COVID-19 hri kai mi 25 hmuhchhuah an ni. Zirtawpni-a Mizoram-a hri kai hmuhchhuah mi 25 zinga 23 te hi Rapid Antigen Test hmanga Sample enfiah 747 te atanga hmuhchhuah niin an zinga 7 te chu Lengpui Airport Screening Point atanga hri kai hmuhchhuah niin Mizoram-a rawn lut tur an ni a, Aizawl khawpui chhungah hri kai mi 11 hmuh-chhuah niin an zinga mi 5 te chu hri kaichhawnna hriatloh, tualchhung a hri inkaichhawng an ni. Heng bakah hian Lunglei, Champhai, Mamit leh Lawng-tlai District-ah te hri kai hmuhchhuah an awm bawk a ni.

Inrinni khan Sample enfiah 1582 awmin hri kai 29 zet hmuhchhuah leh an ni bawk a, Rapid Antigen Test hmanga Sample 1544 enfiah atangin hri kai 26 zet hmuhchhuah an ni a, Bethlehem Veng ah mi 8 zet hmuhchhuah niin hri kaina hriatloh an ni a, Kanan Veng-ah hri kai 4 hmuh niin hri an kaina hriatloh a ni a, a dang hi Veng hrang hrang ami te an ni a, hri kaina hriatloh an awm nual a ni. Inrinni vek khan ZMC Laboratory-ah Sample 20 enfiah niin hri kai pathum hmuhchhuah an ni a, tunhnaia hri kai hmuh-chhuah tawh nen inkawmhnaihna neih avanga inkhunghrang mek an ni bawk.

Inrinni khan Mizoram-ah hri kai enkawl dam awm lovin nimin khan mi 6 enkawl dam an ni a, nimin tlai dar 5:00 thlenga Mizoram-a hri kai hmuhchhuah chu 4612 tling tawhin an zinga 4464 te chu enkawl dam an ni tawh a, tunah hian hri kai enkawllai 137 la awmin hri kai zaa 96.79 te enkawl dam an ni tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »