Vote chhiar tur Training nei

Serchhip Bial Bye-election neih a Vote tla te chhiar tura ruat, Counting Supervisor leh Counting Assistant te chuan nimin khan Training neiin Vawiin-ah Micro-Observer tura ruat ten Training an nei ve leh ang.

    Serchhip bial Assembly bye-election neih tur atana inbuat-saihna kal mekah nimin khan he inthlanna a Vote tla te chhiar tura ruat Counting Supervisor leh Counting Assistant te chuan Serchhip DC Meeting Hall-ah Training an nei a, he Training-ah hian he inthlanna a ARO, Amol Srivastava IAS leh Dorothy Muansangi, Master Trainer ten kalkhawmte zirtirna an pe a, he hunah hian Vote chhiarna atana hriattur pawimawh hrang hrang leh Report ziah dan turte zirtir an ni. He inthlanna a Vote tla te chhiar tur hian Counting Supervisor mi 10 leh Counting Assistant mi 12 ruatchhuah an ni.