Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Kumin ah Mizoram-a Heroin man pungin damdawi hmansual vangin mi 24 an thi tawh

Excise & Narcotics Department hotute chuan Myanmar-a sipaiin mipui rorelna paihthlaa thuneihna an chan leh atangin Mizoram-ah ruihhlo tawlh ruk a tam phah nia an hriat thu sawiin, kumin ah damdawi hmansual avangin Mizoram-ah mi 24 an thi tawh niin  an sawi bawk.

Excise & Narcotics Department hian kumin January atanga March thla thleng khan Heroin kg 7.017 man tawhin, kumdanga kumtluan-a an man zat chanve vel an man tawh a. Kum 2019 khan kumtluanin Heroin kg 12.596 manin, kum 2020-ah kumtluanin kg 11.710 an man a. Kumin thla thum lek chhunga kg 7 man tawh a nih chhan hi Myanmar-a sipai rorelna nghawng nia an rin thu Excise & Narotics Department  PRO, Peter Zohmingthanga chuan a sawi a, sipai rorelna avangin Myanmar ramah curfew kalpui a nih avangin sum an harsa a, sum hmuhna nei si lo khan mi tam tak pawisak nei lo hian ruihhlo an rawn keng nasa nia an ngaih thu a sawiin, “Sawi fak theih hi a ni chuang lo nain, kan rin dan a ni a. Kan man dan atangin ngaihtuahin a nihdan a ni miau,” tiin kumin ah April thla ah chuan Heroin man hi a tlakhneiam leh thu a sawi bawk.

Peter Zohmingthanga chuan kumin ah damdawi hmansual avangin Mizoram-ah mi 24 an thi tawh niin a sawi bawk a. An thihpui hi thil thar vak awm lovin, Heroin vang a ni tlangpui tih a sawi a, damdawi hmansual zingah Methamphetamine (Meth) chu Mizoram-ah hmangtu an tam vak loh thu a sawi a. Mizoram kaltlang 'Meth' zaa 99 chu Mizoram pawna mi tur a nih thu leh Meth tawlhrukna lamah Assam-a Karimganj lam mi inrawlh an tam thu a sawi bawk.

Tunlaia 'Amawii' an tih, Local zu chu taksa tan pawh a hlauhawm hle tih sawiin Peter Zo-hmingthanga chuan, “Rakzu pangngai siam nana ni 3/4 duh thin khan tunlaiah chuan duhtu an tam avang leh a indaihloh avangin a thar hma nan instant yeast hmangin ni khatah te an zu siam chu a tho hman thin a ni,” a ti a, Instant Yeast hian taksa peng pawimawh - Kal, Thin leh Chuap te rang takin a khawih nghal thu a sawi bawk.

Comments

Popular News (Last 30 Days)