Latest News

Pawl hniam zawk ten zirna tan

Mizoram State Executive Committee in alo rel tawh angin Mizoram chhunga zirna In hrang hrang a Pawl 3 leh Pawl 4 zirlaite chuan hripui laka himna atana inkaihhruaina dan zawm chungin April 1, 2021 atang khan School an lut tan.

School Education Department hotute hnen atanga thu dawn danin April 1, 2021 atang khan pawl 3 leh pawl 4 tan Class tan a ni a, School thenkhat, zirlai naupang tam deuh na hmunah chuan chawhma leh chawhnu lamah te an inkalchhawk a, sawrkar lam atangin endiktu tura ruat Official ten School hrang hrang an tlawh a, an kalnaah hian an fim-khur tlangpui ni a an hmuh thu an sawi.

School Education Department Director, James Lalrinchhana chuan zirlaite tan Syllabus chu 100-a 30 paih anih tawh thu sawiin, Covid-19 hripui leng vangin Class kal tha lo mah se online kaltlanga zir tur School hrang hranga zirtirtuten an pekchhuah thin thu a sawi a, TV kaltlanga Tutorial Class te an buatsaih thu sawi bawkin, exam an hmachhawn turah an khauh dawn hle tih a sawi a. Hripui leng karah exam buatsaih tur ni mahse quality tha tak nei tura exam ngei turin zirlaite a chah a, Syllabus zaa 30 paih chu zirlaiten inthlahdah nana hmang lo tur leh hripui leng karah quality tha tak ti lang thei tu zawk ni se a duh thu a sawi bawk.

Comments

Chhiar Hlawhte