Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Serchhip-a PHE Department tui sem a khaihlak rih dawn

PHE Serchhip WATSAN Division-a Sr. Executive Engineer, Er. F. Lalsanglura chuan hun engemaw chhung hi IOC Veng atanga chhim lam-ah tui sem a khaihlak dawn tih sawiin, mipuite chu tui renchem turin a chah.

Tunhnaia IOC Veng-a PHE Booster Pump thalo chungchanga kan palai in a kawmna ah Er. F. Lalsanglura chuan PHE Department hian Serchhip mipuite chawmna atana Tui an lakna ah hian IOC Veng atanga chhimlam zawng pekna atan IOC Veng-ah hian Booster Pump neiin hemi atang hian Bazar lam Area-a tui sem tur hi pump chhawn leh thin a ni tih a sawi a.

Helai hmunah hian Electric khawl leh Diesel khawl awmin April 6 khan Diesel khawl hi hman theihloh-a chhiain siam turin phai lamah thawn nghal a ni tih sawiin, hemi hnu April 19 khan Electric khawl hi hman hleihtheihloh in a awm leh a, an enfiah hnuah he khawl chawmna atana hman Electric Transformer, 200kVA chu Tek in a deng chhia tih hriat niin niminpiah atang khan Tui hi pump theih a ni tawhlo a ni.

Er. F. Lalsanglura chuan Electric Transformer thar bun mai chu thil awlai a ni lo tih sawiin, tunah hian Aizawl lamah Transformer zawng tura an intirh thu leh Inrinni thleng hi Serchhip-a Connection an pek hmun thum-a thena hmun hnih vel te chuan Tuisem hi an dawng thei dawnlo tih a sawi a, hemi chhung hian Electric Transformer hi neiin siamtha thei pawh nise tui sem dan pangngai a sem leh tur chuan hun engemaw chen an mamawh dawn tih sawiin, mipuite chu harsatna thleng hi hrethiama tui renchem tura an ngen thu a sawi a. Harsatna sukiang tura an theihtawp an chhuah mek thu a sawi bawk.

Comments

Chhiar Hlawhte