Latest News

Deputy Speaker in Puanthui zirna a hawng

Assembly Deputy Speaker leh Tuikum bialtu MLA, Er. Lalrinawma chuan nimin khan a bial chhunga Chhingchhip Mualpui leh Chhingchhip Venghlun-ah Puanthuina hmun a hawng.

Chhingchhip Mualpui leh Chhingchhip Venghlun-a MHIP buatsaiha Puanthuina hmun hawnna hunah hian bialtu MLA leh Deputy Speaker, Er. Lalrinawma chuan hmeichhia ten Kutthemthiamna kawng-a an hmasawnna chu Ram leh hnam bakah khawtlang hmasawnna kailawn pawimawh tak a ni tih sawiin, kut themthiam thil chu tuma inrukbo sak theih loh thil anih avangin a pawimawh hle tih a sawi a. Tunlai hri lengin min tihbuai avangin tum ang leh beisei ang tak in sawrkar hmalakna kal thei rih lo mahse, kut themthiamna leh Skill Development lamah nasa tak hmalak zel a ni tih a sawi bawk.

He hunah hian Mualpui leh Chhingchhip Venghlun Branch hruaitute chuan Bialtu MLA in Chhingchhip Mualpui Branch MHIP te tana Puanthui zirna atana hman tur Puanthui Khawl a pe chu an lawm hle tih an sawi bawk a ni.

He hunah hian Mualpui khawtlang hruaitute leh pawl hrang hrang ten khawtlang tan hmasawnna tur a mamawh hrang hrangte Bialtu MLA hnenah hian an lo thlen a, bialtu MLA hian an khawtlang-a hmasawnna hna thawh mek thenkhat te chu a hmunah a tlawh bawk a ni.

Comments

Chhiar Hlawhte