Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

World Bank in Project pawm

World Bank Board of Executive Directors chuan Mizoram tana hriselna leh a kaihhnawih lama hman turin US Dollar vbc. 32 a pawm tih Ningani-a World Bank thuchhuak chuan a tarlang a. Mizoram sawrkar lam pawh he thutlukna hi hriattir an ni tawh.

Health Department atanga thudawn danin he project hi nikum hmasa lam atanga buaipui tawh a ni a, Health Minister Dr. R. Lalthangliana chuan USA-a kal chhan pakhat pawh kha a ni a. March thla tir lam khan World Bank hotute bakah Department of Economic Affairs, Ministry of Finance, Govt. of India leh Mizoram Health Department te chuan hemi chungchang hi an sawiho a, March 31, 2021 khan World Bank chuan project hi an passed ta a ni.

He project pum hi USD Vbc. 40 a ni a, US Dollar vbc. 8 hi Mizoram sawrkar tum tur a ni thung a, World Bank hian a tum tur USD vbc. 32 hi a rawn pawm ta a ni. Health Department atanga thudawnna in a sawi dan chuan USD vbc. 32 atanga 90% hi Department of Economic Affairs, Ministry of Finance, Government of India in a tum tur niin hemi atanga 10% hi State sawrkar tum leh tur a ni.

He Project hi ‘Mizoram Health Systems Strengthening Project’ tia hming phuah niin “State sawrkar-in Health System a kalpui tih phuisui nan te, tha zawk leh zau zawka hna a thawh theihna atan te a tih a ni. Sum hi hmalakna rintlak tak tak chhawpchuahna tur leh hmaraw tha zawk leina tur a hman a ni ang,” an ti bawk.

He Project hian a tum ber chu state Health Insuarance neih te tih changtlun a, chhawr nahawm zawka siam a ni dawn a, thawktute thiamna tih hmasawnna tur te a ni a, PMJAY nen inzawmna tha tak siam tur leh damdawi In chhawr pha lo harsatna sutkian nan leh sum nei lo mi retheiten hriselna tha an hmuh theihna atana zau zawka hmalak te chu he Project tum hi a ni. 

Comments

Chhiar Hlawhte