Ranvulhtute ngaihven turin sawrkar an phut

/

ZPM Thalaite chuan African Swine Fever avanga Vawk thi te leh Sailulak leh Leng khua a Chinghnia in a sehhlum Sial thi te sawrkar in ngaihven se an duh thu an sawi.

Nimin-a thuchhuah an siamah ZPM Thalaite chuan April 22, 2021 thleng khan African Swine Fever (ASF) hrileng avângin Mizoram District pali a khua leh Vêng hmun 12 atangin Vawk 1,164 an thih tawh bakah, Infected Area nilo ah thih dan pangngai lo-a thi Vawk 95 lai an awm tawh tih an sawi a. ASF tuartu Vawk vulhtute thinlung taka an tawrhpui thu sawiin, hrileng avanga an Vawk vulh chantute hi zangnadawmna tha tak pe ngei tùra Mizoram sawrkâr an phut thu leh Vawk vulhtute'n bul an tan that leh theihna tura ruahmanna siampui tura an phut thu an sawi bawk.

ZPM Thalaite chuan Sailulak leh Lêng khua-ah kumin chhûng ringawtin Sial vulhlâi 30 bawr vel Chinghnia-in an seh tawh bâkah, nikum lamah khân hetiang zât vêl tho hi Chinghnia in a seh tawh bawk tih sawiin, a ruang hlàwm tùr awm si lo, bo anga ngaih a dang eng emaw zât an awm bawk tih an sawi a. Chinghnia-in Sial a beih avânga mangang taka awm kuthnathawktute'n, nikum atanga Vawiin thlenga zangnadawmna an la dawng lo chu pawi an tih thu an sawi a, Mizoram sawrkar chu zangnadawmna pe thuai tura an phut thu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »