Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Chanchin thar thenkhat :

VLTF ten SOP an zirho

Kolasib District chhunga Assembly bial 3- Turial, Serlui leh Kolasib Assembly Constituency chhunga VLTF hruaitute tan Covid-19 inkaihhruaina SOP inzirtirna hun chu nimin khan Kolasib DC Conference Hall-ah neih a ni a, he hun hi Kolasib DC, Dr. H. Lalthlangliana chuan kaihruaiin khapna dan chhuah ngai lovin khaw-tlang mipuite chu tul lova chhuak lo tura zirtir tam a pawimawh thu a sawi a, “Inkhap hranpa ngai lova chhuak lo tura mipui kan zirtir hi hrileng dona kawnga hmanraw pawimawh tak a ni a, mahni inthunun theia mipuite chhuaklo tura kan siam hi changkanna kawng pakhat a ni,” a ti. He hunah hian COVID-19 chungchanga thu belh-chiandawllo thehdarh a nih loh nan bialtu Zonal Executive Magistrate theuhte leh VLTF hruaitute chu thawhhona tha neih a tul thu leh thu diklo thehdarh te hremna pek an nih thu tarlan a ni bawk.


Dy. Speaker in Thinglian tlawh

Assembly Deputy Speaker leh Tuikum bialtu MLA, Er. Lalrinawma chuan a bial chhunga kang-mei rapthlak tak tuartu Thinglian khua chu nimin khan a tlawh a, Thinglian khuaa Kangmei chhuak chu sawrkar hmalakna in Helicopter hmanga thelh a nih thu sawiin, Sawrkarin theihtawp chhuaha hma a lakpui avangin lawmthu a sawi bawk. Bialtu MLA chuan kangthelhna a khaw-tlang mipuite tanrualna te, inpekna leh theihtawp an chhuahna te chu fakin, khaw thenawm te'n Thianglian khua te harsatna hriaa an puihnaah lawmthu sawi bawk. Bialtu MLA hian kangmei thelha hnatlangte thingpui in na tur Rs. 5,000/- chu Thinglian VC te hnenah a hlan nghal bawk a ni.


Ramlaitui-ah MNF VC thar

MNF Party chuan thuchhuah siamin Lunglei North bial chhunga Ramlaitui khua a ZPM VC President nilai, K. Rochungnunga chuan MNF Party a zawm tak avangin MNF VC thar siam a ni ta tih an tarlang a, tun tum hi he Bial chhunga ZPM VC thiata MNF VC siam a nih tum thumna a nih thu an tarlang bawk.

Comments

Chhiar Hlawhte