Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

HSLC Exam neih mek a ni

Kumin 2021-a High School Leaving Certificate (HSLC) Examination chu Ningani khan neih tan niin tun thla ni 20-ah zawhfel tur a ni ang.

Mizoram Board of School Education (MBSE) buatsaih pawl 10, HSLC Exam-ah hian Exam tan ni hian English Subject Exam niin April 5-ah Social Science, April 9-ah Mizo, April 12-ah Science (Theory) leh April 15-ah Mathematics te exam a ni anga, April 16-20 chhungin Science (Practical) exam lehin Exam hi zawhfel a ni dawn a ni. Kumin a HSLC Exam-ah hian hri leng avangin zirlaite syllabus chu zaa 30 vela tihtlem a ni a, exam tan hma hian Zirlai naupang exam turte chu Thermal Scanning tih sak vek an ni bawk.

HSLC Exam hi Serchhip Town chhunga Exam Center pathum-ah pawh neih a ni a, Govt. H/S Centre-ah Govt. H/S Serchhip, Govt. JM H/S, Marian H/S, Presbyterian English School leh Zoluti Memorial H/S ten exam in Zirlai 202 ten Form fill-up in 198 an exam a. Govt. PCR H/S Centre-ah School 3- Govt. PCR H/S, New Serchhip Secondary School leh Govt. Lungpho H/S te exam in exam tura inziaklut mi 46 zingah 45 an exam a. Govt. Chhiahtlang H/S Centre-ah School 3- Govt. Chhiahtlang H/S, Millennium H/S Chhiahtlang leh Sialhau Secondary School te exam in Zirlai exam tura inziaklut 57 zingah 56 an exam bawk a ni.

Comments

Chhiar Hlawhte