Latest News

Cooperation Minister hnenah lawmthu sawina hlan

Mizoram State Cooperative Service Association chuan Cooperation Minister, C. Lalrinsanga chu MSCS a enkawl danah an lungawizia leh a laka an lawmzia lantir nan nimin khan thilpek an hlan.

Mizoram State Cooperative Service Association hi Cooperation Department hnuaia thawktu intelkhawm pawl lian ber a ni a. Kum engemaw zat chhunga an service chungchanga harsatna an lo tawh thin hrang hrang te chu Minister, C. Lalrinsanga chuan kum 2018 atanga Cooperation Department a enkawl hnuah chinfelin a lo awm ta tih sawiin, Junior Inspector of Cooperative Societies leh Senior Inspector te chu Minister-in theihtawp a chhuahsakna zarah amalgamate niin tunah hian Service Rules pawh a thar hlakin an nei thei ta tih an sawi a. Hei hian Promotion leh Service kaihhnawih thil tam taka an harsatna tawh thin chu a rawn sukiang ta tih sawiin, hetiang taka an harsatna hriatthiamsak a, a chinfelna kawnga theihtawp chhuaha hma laksaktu Minister an nei hi an lawm tak meuh meuh a ni tih an sawi a, lawmthu sawina atan thuziak an hlan a ni.

Nimin-a Minister Pisa-a thilpek an hlanna hunah hian Cooperation Minister chuan sawrkar hnathawk ten harsatna an tawh hrang hrang sawrkarin a hria a, a theih chin china chinfel zel pawh hi sawrkar duhdan a ni tih a sawi a. Chutih rualin sawrkar hnathawkte pawhin an harsatna tawh leh kan facility piah lamah an hna chu Pathian rawngbawl hna a ni tih hre thar leh turin a fuih bawk.

Comments

Chhiar Hlawhte