Chief Minister hovin Airport-ah hnathawh en

/

Nimin zing khan Chief Minister, Zoramthanga hovin Aviation Committee chuan Lengpui Airport leh a chhehvela hmalakna hrang hrangte a hmunah an enfiah a. Hei hi March ni 31, 2021 Meeting-a Site Visit hna nei tura an lo rel tawh bawhzuina a ni.

Special Central Assistance (SCA) atanga sum hmuh cheng vbc. 15.87 hmangin Airport Terminal Building thawmthat hna thawh niin, Departure Lounge chu 80% zo tawh anga ngaih a ni a, Arrival Lounge pawh 60% zawh tawh-a report a ni.

North Eastern Special Infrastructure Development Scheme (NESIDS) atanga sum hmuh cheng vbc. 19.59 hmanga hnathawh mek zingah Terminal Building luhna Elevated Road leh Departure ramp pahnih siam te, Baggage make up area, Centralised Air Condition, Internal Electrification, conveyor belt leh a dangte a tel a ni.

Aviation Committee hian Airport-a Isolation Parking Bay siam an thawh mek te, Parallel Drain te, Runway bula Culvert siam te, Security Personnel CRPF awmna tur building sak mek te, Airport Terminal Building chawmtu tur tui dahkhawlna siam mek leh pawn-a Canteen siam te chu an en bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »