Serchhip Bial bye-election-ah Vote a tla tha

Inrinni kalta-a Serchhip bial-a Assembly bye-election neih zawh takah mipui ten Vote an thlak tha hle a, Polling Station 19 awm zingah Buangpui Polling Station chu Vote tlak thatna ber a ni.

Serchhip Bial-a Assembly bye-election ah hian Polling Station tam zawkah chuan Vote nei zaa 80 aia tamin Vote an thlak a Vote tlak thatna ber Buangpui Polling Station-ah chuan vote nei za zela 93.4 te chuan Vote an thlak a, Vote nei mi 316 zingah Vote thlak lo mi 21 chiah an awm a, Neihloh Polling Station-ah Vote nei 221 atangin mi 200 ten Vote hi thlakin mi 21 bawkin Vote an thlak lo a, Vote za zela 90.5 a tla a ni.

Polling Station hrang hrang 29 zingah Serchhip XI leh Serchhip XII ah te chuan Vote za zela 78.2 tlain Vote tlak chhiatna ber a ni a, anni bak zawng Polling Station dang ah te chuan Vote za zela 80 aia tam a tla vek a ni. Kum 2018-a Serchhip Bial Assembly bye-election ah khan Polling Station 26 awmin Vote nei 18,012 awmin mi 15,060 in Vote an thlak a, Vote za zela 83.61 tlain tun tumah hian a hma aiin Vote a tla tha zawk dawn a ni.