Latest News

Naupangte tana Buhfai tha chi sem dan tur sawiho

Nimin khan Supply Department Director, Ramdinliani hovin Mamit District chhunga ‘Fortified Rice Scheme’ kalpui dan tur sawihona neih a ni.

‘Fortified Rice Scheme’ hi sawrkar laipuiin naupangte zinga thisen tlakchhamna (anemia) leh Undernutrition umbo tura a hmalakna niin Mizoram-a chuan Mamit District chhungah hmalakna kalpui hmasak tur a ni a, nimin-a sawihona hunah hian FCS&CA, School Education, leh Women & Child Development Department bakah Food and Drug Administration hotute an tel a ni.

Supply Director, Ramdinliani chuan buhfai thami (fortified rice) chu Mizoram-ah chuan a bul tan nan Mamit Aspirational District-ah kalpui hmasa tura an inbuatsaih thu sawiin, buhfai an rawn pek hun hunah a sem hna hi kalpui a nih tur thu a sawi a. Mizoram chhunga District zawng zawng tuam chhuah vek tum a nih thu a sawi bawk. Fortified rice hi mihring ei atana him a nih thu leh Food Safety and Standards Authority of India (FSSAI) pawhin a him tih an pawm thlap thu a sawi bawk.

Fortified Rice scheme hi Integrated Child Development Services (ICDS) hnuaia Anganwadi Centre hrang hrangah leh sawrkar sikul-a Mid-day Meal Scheme kaltlanga sem tur a ni a, naupangte zinga thisen tlakchhamna (anemia) leh undernutrition um bo tura a hmalakna niin, buhfai-ah Iron, Folic Acid leh Vitamin B-12 an telh a ni.

Comments

Chhiar Hlawhte