Latest News

Inkaihhruaina hman zui tur

Serchhip District Bawrhsap Kumar Abhishek chuan nimin khan thupek tichhuakin COVID-19 hri leng hluar zel laka mipuite him theihna tura tun thla ni 2-a inkaihhruaina thupek lo tihchhuah tawh chu Oct. 17, 2021 atanga Oct. 30, 2021 zanlai dar 12:00 thleng Serchhip District-ah hman chhunzawm tur a nih thu a tarlang.

Hri leng dona duty tura inpe, hri vanga nunna chan te Ex-Gratia pek remtih a ni

Chief Minister Zoramthanga hova Council of Minister te nimin a thukhawm chuan hri leng vanga Volunteer Duty, hri vanga nunna chan te Ex-Gratia Payment pek an remti.

Nimin khan Mizoram Chief Minister, Zoramthanga hovin Council of Ministers chu CM Office Conference Hall-ah thukhawmin sawrkar Department hrang hrang atanga thu pawimawh ngaihtuah tur lut te an sawiho a, COVID-19 hri leng avanga VLTF/LLTF volunteer te an duty na hmuna COVID-19 hri an kai avanga nunna chan an awm chuan puihna (Ex-gratia payment) cheng nuai 20 thleng pek tura Finance Department atanga rawtna lut chu an pawm a ni.

Nimin a Council of Minister thukhawm hian Vigilance Department atanga thu lut, Mizoram Lokayukta a post thar 7 siam bakah ACB atangin post 25 transfer te chu pawmin GAD atanga ngaihtuah tur lut - Sinlung Hills Council (Procedure GAD and Conduct of Business) Rules, 2021 an siam chu pawm a ni a. Inrelbawlna felfai zawk a awm theih nana General Administration Department (GAD) and Secretariat Administration Department (SAD) amalgamate chu pawm a ni bawk.

P&E Department atanga Electrical Accident avanga tawhsual tawk emaw, nunna chan an awm thulha anmahni emaw an chhungte puihna (ex-gratia) pek leh a pek zat tur bituk chu pawm a ni a. Land Revenue & Settlement Department atanga ram man (market value) fixing reference date thlak tura rawtna (LR&S section 26(1)(a) of the Mizoram (Land Acquisition, Rehabilitation & Resettlement) Act, 2016 hnuai ami) chu pawm a ni bawk.

UD&PA leh AMC ten ruahmanna an siam anga kawngsira nepnawi leh chakkhai zuar a eizawng (street vendors) te hamthatna tura The Mizoram Street Vendors (Protection of Livelihood and UD&PA Regulation of Street Vending)(Amendment) Rules, 2021 siamthatna tur, UD&PA atanga rawtna lut chu pawm niin DP&AR atanga lut, The Draft Mizoram Information Service Rules, 2021 te,  The Draft Mizoram State Cooperative Service Rules, 2021 leh Draft Mizoram Legal Service Rules, 2021 and the Draft Mizoram Law & Judicial Department (Group ‘A’ post) Recruitment Rules, 2021 te chu pawm a ni bawk.

Comments

Chhiar Hlawhte