Latest News

Chhungkaw 7 inkhunghrang

Serchhip Chhim Veng-a khawsa COVID-19 hri kai hmuhchhuah a nih avangin Serchhip Chhim Veng huamchhungah chhungkaw 7 te chu In lamah an inkhunghrang mek.

Tunkar Thawhtanni-a Hyderabad atanga rawn haw Serchhip Chhim Veng ami chu nimin lamah Rapid Antigen Test hmanga a Sample enfiah a nih hnuah COVID-19 hri a lo kai avangin hri kai in a lo kawmhnaih leh a lo tlawhpawh chhungkaw 7-a mi 33 te chu mahni In lama inkhunghrang rih tura tih an ni a, Serchhip CMO Office-a thawktute chuan hri kai in a lo kawmhnaih te hi karleh Thawh-tanni khian an Sample la-a enfiah sak an nih tur thu an sawi a ni.

Serchhip CMO Office atanga thu kan dawn danin tunah hian Serchhip District chhunga hri leng avanga mahni In lama inkhunghrang mi 34 an awm mek a, tunhnaia Assam inthlanpui-a Duty Mizoram Police rawn haw mi 100 te pawh inkhunghranna hmunah awm mekin hri kai enkawllai mi pakhat a awm mek bawk a ni.

Comments

Chhiar Hlawhte