Mizoram-ah Ni khat-a hri kai hmuh tam ber ni a thleng

/

Niminpiah khan Mizoram-ah Sample 3305 enfiah niin heng atang hian COVID-19 hri kai mi 229 hmuhchhuah an ni a, Mizoram-a he hri kai hmuhchhuah a nih atanga ni khat-a hri kai hmuhchhuah an tam ber ni a nih bakah April, 2021 hi thla khat chhunga hri kai hmuhchhuah an tam ber thla a ni dawn ta bawk a ni.

Niminpiah khan ZMC Laboratory-ah Sample 1031 enfiah niin hri kai 64 ngawt hmuhchhuah an ni a, an vai hian Aizawl District mi vek niin an zinga mi 38 te hi hri kai nen inkawmhnaih atanga hri kai hmuhchhuah an ni a, midang 25 te hi State pawn atanga rawn lut niin midang pakhat hi In-a inkhunghrang lai a ni thung. District hrang hranga TrueNat Laboratory-ah Sample 110 enfiah niin hri kai hmuh an awmlo thung a ni.

Niminpiah khan Mizoram hmun hrang hrangah Rapid Antigen Test hmangin Sample 2164 enfiah niin hri kai mi 165 hmuhchhuah an ni thung a, Aizawl District-ah hri kai mi 48 hmuhchhuah niin an zinga mi 5 te chu Lengpui Airport Screening Point-a hmuhchhuah an ni a, midang te hi Aizawl District chhung hmun hrang hranga hmuhchhuah an ni thung a. An zingah hian hri kaina hriatloh mi 25 zet an awm a ni. Niminpiah vek khan Kolasib District-ah hri kai mi 6 hmuhchhuah an ni a, Lawngtlai District-ah hri kai mi 2 hmuh niin Saitual District-ah hri kai pakhat hmuh a ni. Heng bakah hian tunhnaia State pawn-a inthlanna a Duty rawn haw te atangin 2nd Bn. IR, Khawzawl-ah hri kai mi 5 hmuh niin 4th Bn. IR, Rengdil-ah hri kai 39 hmuh an ni a, PTS, Thenzawl-ah hri kai mi 64 hmuh an ni bawk a ni.

Heti hian nimin tlai thleng khan Mizoram-a COVID-19 hri kai hmuhchhuah tawh chu 5742 an tling ta a, nimin khan Mizoram-a hri kai enkawl mi 49 te chu enkawl dam ni ve leh thungin nizan hmasa khan mi 10 enkawl dam an awm bawk a, heti hian nimin tlai dar 5:00 thlenga Mizoram-a hri kai enkawl dam chu 4792 an tling ta a, hei hi hri kai hmuh-chhuah atanga chhutin zaa 83.47 niin hei kai enkawllai 936 an la awm mek a, hri kai zingah nunna chan mi 13 an awm tawh bawk a ni.

Tunah hian Aizawl District ah hri kai enkawllai 702 awmin an tam ber a, Serchhip District in dawtin mi 74 enkawl mek an la ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »