MSFC Member ten Supply Minister an kawm

Mizoram State Food Commission (MSFC) Member-te chuan an Chairman thar, HL. Rochungnunga hovin nimin khan Supply Minister, K. Lalrinliana chu a Pisa-ah an kawm.

Supply Minister hian Mizoram State Food Commission member-te chu lo lawmin Commission Chairman leh member-te a bikim-a kan nei thei ta hi a lawmawm takzet a ni, a ti a. National Food Security Act (NFSA), 2013 kalpui a nih dan vila, a tul anga endik hna thawk tur an nih avangin NFSA hrechiangtu, Mizoram-a kalpui a nih tan tirh a hmalatu ber MSFC Chairman atana ruat a ni chu a thlamuanthlak a tih thu a sawi a, NFSA pawh felfai tak leh entawntlak taka kalpui a nih theihnan thawhhona tha tak an neih a beisei thu a sawi bawk.

MSFC Chairman HL. Rochungnunga pawhin Minister viak tha tak maiin NFSA in a phut ang ngeia Mizoram State Food Commission a nihna ang taka kal tura hma a la chu lawmawm a tih thu a sawi a, MSFC din chhoh tan a nih dante leh an hmalakna tur pawimawh nia a hriat te a sawi bawk a, Supply Department Officer pawimawh te an tel bawk a ni. Mizoram State Food Commission hi May ni 1, 2018 khan National Food Security Act, 2013 tlawhchhana din niin, Chairman kaihhruaina hnuaiah member panga an awm a ni.