Langtlang-a VC hna thawk tha te chawimawina hlan

Zonuna Kawlni /

Lunglei District chhunga tualchhung rorelna leh hmasawnna langtlang taka hma la tha Village Council te hnenah nimin khan Lunglei DC, Kulothungan A chuan thuziak leh pawisafai a hlan.

District Local Administration Department, Lunglei buatsaihin nimin khan Lunglei DC Conference Hall-ah Lunglei District chhunga tualchhung rorelna leh hmasawnna langtlang, Promotion of Transparency in Local Administration, Phase-II 2021-a thawk tha VC te hnenah District Bawrhsap hian thuziak leh pawisafai hi hlanin Bazar Veng leh Zotlang VC te chuan lawmman pakhatna an dawng a, Venghlun VC in lawmman pahnihna lain Theiriat leh Zohnuai VC ten lawmman pathumna an dawng bawk a ni.

Nimin-a heng lawmman hlanna hunah hian Lunglei DC, Kulothungan A chuan langtlang leh felfai taka hnathawh hian sawrkar a khalh ngil tih sawiin, VC ten khawtlang an enkawlna ah pawh eirukna a tihbo bakah khawtlang nena thawhhona tha zawk an neih phah thei tih a sawi a, hetiang hmalakna hi Mizoram hmun hrang hrangah hman ni ve thei se a duh thu pawh sawiin, tualchhung rorelna langtlang taka kalpui a, corruption ven leh mipui-in VC-ah rinna an nghah zual theih nan, mipui hriatah VC hmalakna leh sum dinhmun tarlan tura buatsaih chu a tangkai hle dawn tih a sawi bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »