Latest News

Postal Ballot hmangin Vote thlak tan a ni

Serchhip bial Assembly bye-election neih tur atan nimin atang khan kum upa leh PwDs te chuan Postal Ballot hmangin Vote an thlak tan a, ni 3 chhung Vote thlakna hun hi buatsaih a ni ang.

Election Commission of India in thupek a chhuah angin tun thla ni 17-a Serchhip Bial Assembly bye-election neih tur atan hian Senior Citizen, kum 80 chunglam leh Electoral Roll-a hming chuan Person with Disabilities (PwD’s) bakah COVID-19 vei, rinhlelh leh Quarantine mek te tan Postal Ballot hmanga Vote thlak hi phalsak an ni a, heng mite tan hian nimin atang khan Postal Ballot hmanga Vote thlakna hun hi buatsaih niin nimin bakah karleh Thawhtanni leh Thawhlehni te khian Vote thlakna hun hi buatsaih a ni dawn a ni.

Serchhip DC Office atanga thu kan dawn danin kum 80 chunglam atang hian Postal Ballot hmanga Vote thlak thei mi 144 ten dilna siamin PwD atang hian mi 32 ten dilna an siam bawk a, heng mi ten Vote an thlak theihna tura buaipui tur hian Polling Official mi 2, Videographer, Police leh Micro Observer mi pakhat theuh awmna Team 8 siam a ni a, heng Team hrang hrang te hian heng Vote thlak turte hi an chenna In ah kal chilhin Election Commission of India in kaihhruaina a siam angin Vote hi an thlak tir a, an Vote thlak te hi an hmuh lai ngei-a Seal nghal vekin Vote chhiar hunah chhiar tel a ni dawn a ni.

Comments

Chhiar Hlawhte