Vawk hri lenna ah mithiam te thu zawm turin chah

/

Serchhip District AH & Vety Officer, Dr. R. Lalmakthanga chuan African Swine Fever (ASF) chu enkawlna mumal ala awm loh avangin Department lama mithiam ten tih tur an tih te zawm hram hram turin mipuite a ngen.

Tunhnaia Ser-chhip District chhung Keitum khua a Vawk thi thenkhat te Sample enfiah ah ASF hri kai hmuh a nih chungchangah Dr. R. Lalmakthanga chuan ran vulhna hmun te intlawhtawn loh chu hri darh zel lohna atana kawng pawimawh pakhat a ni tih sawiin, midang Vawk vulhna hmunah phei chuan a neitute lo chu kallo tur leh mahni Vawk vulhna hmun a hak tur bik thawmhnaw neih hran a pawimawh thu a sawi a. Mahni ran vulhna hmun luh dawn leh chhuahsan dawn reng rengin dam-dawi, Bleaching Powder tui-a 2% a pawlhdal hmanga in kah thianghlim a pawimawh thu a sawi bawk.

Hei bakah hian Serchhip DVO chuan Vawk thi an awm chuan lei thuk taka phum te, ran thihsan In te chu damdawi hmanga uluk taka kah thianghlim te, damdawi hmanga kah thiang-hlim hnu darkar 2 hnuah uluk taka silfai leh damdawi hmang bawka kah thianghlim a ngaih thute a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »