Chanchin thar thenkhat :

MP (RS) in raltlan te tlawh

Mizoram Rajya Sabha MP, K. Vanlalvena chuan Myanmar atanga Serchhip District chhung Lungkawlh khuaa rawn raltlan te niminpiah khan tlawhin an dinhmun a zawtfiah. Lungkawlh khua a raltlan te tlawhtu Rajya Sabha MP hi Lungkawlh Refugee Committee hruaituten an lo dawng-sawng a, Lungkawlh-ah hian Myanmar refugee-te engemaw zat lo thleng thlain Aizawl leh hmundangah an insawn deuh vek tawh a. Rawn thleng thar mi 13 an awm leh mek a, heng mite hi Tahan, Leisen leh Dawn khua atanga lokal niin Zohnahthlak Civilian vek an ni. Hei bakah hian N. Vanlaiphai-ah pawh mahni chhungte belin raltlan mi 20 vel an awm mek bawk a ni. Rajya Sabha MP hian tun thla ni 8 khan Aizawl Falkland Veng-a Refugee Camp chu a lo tlawh tawh a ni.

Health Minister in tlawh

Health Minister Dr.R.Lalthangliana chuan nimin khan Sialsuk PHC leh Sialsuk Damdawi In Veng-a PHC sak mek chu a tlawh a, cheng nuai 230 senna tur PHC Building thar hi CB Engineering te sak niin NABARDB (RIDFXVI) sum atanga sak a ni. Khawtlang hruaitute leh PHC thawktute chuan Staffs Nurse leh IVth Grade an indaihloh thu lo thlenin, Minister chuan, Covid boruak ziaawm velah Mizoram hmun danga mite nen hnawhkhah an nih tur thu a hrilh bawk.

Vote thlak hun pawhsei duh

ZPM Party chuan Chief Election Commissioner of India hnenah Serchhip bial-a bye-election neih tura vote thlak ni (Polling Day) chu Kohhran thenkhat (Seventh Day Adventist, Church of God, Assembly of God etc) ni serh a nih avangin, heng Kohhran mi te hian engthawl taka vote an thlak ve theihna turin vote thlak hun chhung pawtsei tura ngenna nimin khan an thlen a, hemi hmalam hian Vote thlak ni leh Vote chhiar ni te chu Kohhran ni serh a nih avanga sawn tura ngen tawhin, hei hi a remchan tak loh avangin Vote thlak hun hi zing dar 7:00 atanga tlai dar 7:00 thleng pawtsei turin an ngen a ni.