Latest News

North Vanlaiphai tana tui lak hna thawh mek enfiah

Image
North Vanlaiphai khaw mipui tana tui thiang-hlim in tur lakna tura hnathawh kal lai mek, North Vanlaiphai Water Supply Scheme, Rawleihlawn Pumping chu tunhnai khan North Vanlaiphai Village Council leh North Vanlaiphai Joint YMA hruaitu ten a hmunah kala enfiahin, hna thawh tawh te tha an tih thu an sawi a, hna chak leh tha zawka thawk zel turin an ngen.

Lirthei pakhat chesual leh

Inrinni zing dar 5:00 vel khan Serchhip leh Thenzawl inkar-ah Wagon R Car pakhat chu chesualin vanneihthlak takin mihring nunna chan an awmlo.

Thudawn danin he Motor Mz-02/8808 hi T. Lalruatpuia (42), Lunglei Chanmari ami khalh niin Lunglei atanga rawn kalin Hmuifang tlang-a kal tum a ni a, Serchhip-ah a thian te tlawh tuma a rawn kalna kawngah Serchhip thlen hma, Zehtet ram-ah chesualin kawngthlang ah a tlanliam a, kawngthlang ah meter 40 vel a lum a ni. He Motor-ah hian a khalhtu chiah hi chuangin hliam tenau a tuar a, Serchhip damdawi In panpui nghal a ni. He lirthei chetsualna hmun hi kar kalta lawk-a Bolero pakhat chetsual avanga mi pakhat in nunna a lo chan tawhna hmun tho kha a ni.

Comments

Popular News (Last 30 Days)