Rajya Sabha MP in Serchhip Press Club a tlawh

/

Mizoram Rajya Sabha MP, K. Vanlalvena chuan nimin khan Serchhip Press Club tlawhin MJA Serchhip District Member te nen inkawmna an nei.

He inkawmna hun hi MJA Serchhip District President, Kapliana Pachuau chuan kaihruaiin Rajya Sabha MP, K. Vanlalvena chuan thu pawimawh hrang hrang a sawi a, thuthar thehdarhtute zawhna chhangin Myanmar atanga Mizo-ram-a raltlan chungchanga hma an lak dante sawiin, India ramah raltlan an tam a, tuna Myanmar atanga Mizorama raltlan ang hian Tamil Nadu-ah pawh Sri Lanka atanga raltlan, sawrkar laipuiin raltlan (refugee) dinhmun a pek loh an awm tih a sawi a, hetihlai hian Myanmar atanga raltlan chungchangah Mizoram sawrkar chiahin aw a chhuah a, Mizoram sawrkar hotute hmalakna avangin a tira sawrkar laipui hotuten Myanmar atanga raltlante chungchanga duhdan an neih pawh an kuai her tawh nia sawiin, damdawi leh chenna tur pek theih an nih thu an sawi tawh niin a sawi bawk.

He hunah hian MJA Serchhip District hruaitute chuan hetianga MJA in Press Club-a inleng duhawm an nei chu lawmawm an tih thu sawiin, Serchhip Press Club chu khawtlang in a mamawh a nih thu an sawi a, hei hi tun tuma Bye-election neih ah pawh nasa taka a lan thu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »