Latest News

VLTF leh Police ten hma la

COVID-19 hri darh zel tur laka mipuite himna tura kaihhruaina siam mipui ten tha taka an zawm theihna turin hmalak mek zel a ni.

COVID-19 hri leng laka mipuite an him theihna tura kaih-hruaina siam hi mipui ten tha taka an zawm theihna tura niminpiah atanga kawng hrang hranga hmalak mek ah, Serchhip khawpui chhunga VLTF te chuan an huamchhung theuh ah kaihhruaina leh hmalak dan tur te ruahmanin nimin lamah pawh mipui veivak an tlem zawk nan dan kengkawhtu Police te chu veng hrang hrang ah an duty a, Ser-chhip khawpui lunlai-ah pawh lirthei veivak ten phalna an nei em tih an enfiah a, phalna neilo leh thil pawimawh ni lova pawn chhuak te chu mahni In lama tawm turin an ngen nawn leh bawk a ni.

Serchhip-a hmun lun lai ber Bazar-ah pawh mipuite hri laka an him theih nan VLTF ten theihtawp an chhuah a, aurinna hmangin hri laka inven nana Sawrkar in inkaihhruaina a tihchhuah te chhiarchhuah niin, khawlai-a mipui veivak te hmaitumna hmang uluk tura hrilh an nih bakah Sawrkar in SOP a duan te tha taka mipuiin an zawm theih nan hma an la a ni.

Comments

Chhiar Hlawhte