Mizoram-ah hri kai thar 103 hmuh an ni

/

Niminpiah khan Mizoram-ah Sample 3488 zet enfiah leh niin COVID-19 hri kai mi 103 zet hmuhchhuah leh an ni a, Mizoram-a hri kai hmuhchhuah hi 5513 zet an tling tawh a ni.

Niminpiah khan ZMC Laboratory-ah Sample 783 enfiah niin heng atang hian COVID-19 hri kai mi 37 zet hmuhchhuah an ni a, an zinga mi 25 chu hri kai tawh nena inkawmhnaihna nei an ni a, midang 10 te hi tunhnaia State pawn atanga rawn lut niin midang pahnih hi mahni-a inrinhlelhna neih avanga Sample enfiah atanga hri kai tih hmuhchhuah an ni. Niminpiah khan Mizoram District hrang hranga TrueNat Laboratory-ah Sample 78 enfiah niin hri kai pakhat hmuhchhuah a ni a, Lunglei District-ah niin State pawn atanga rawn haw a ni.

Niminpiah khan Mizoram-ah Rapid Antigen Test hmangin Sample 2627 enfiah niin hri kai mi 65 hmuhchhuah an ni a, an zinga mi 49 te chu Aizawl District-a hri kai hmuhchhuah an ni. Aizawl District-ah hian Lengpui Airport Screening Point-ah Mizoram-a rawn lut turte enfiah niin hri kai mi 21 hmuhchhuah an ni a, midang 28 te hi Aizawl District chhung hmun hrang hrang ami te an ni.

Heng bakah hian Mamit District-ah hri kai mi 6 hmuh niin an zinga 5 te chu tualchhung-a hri inkaichhawng an ni a, Kolasib District-ah hri kai mi 4 hmuh niin State pawn atanga raw lut tur vek an ni a, Lawngtlai District-ah hri kai mi 4 hmuh niin hri kai nen inkawmhnaihna neih atanga hri kaichhawng an ni a, Serchhip District-ah hri kai pakhat hmuh niin State pawn atanga rawn haw a ni a. Champhai District-ah hri kai pakhat hmuh niin hri a kaina hriatloh a ni thung.

Nimin khan Mizoram-ah hri kai mi 2 te chu enkawl dam an ni ve leh a, heti hian nimin tlai dar 5:00 thleng khan Mizoram-a hri kai hmuhchhuah chu 5513 niin an zinga 4733 te chu enkawl dam an ni tawh a, hei hi hri kai hmuhchhuah atanga chhutin zaa 85.85 niin tunah hian hri kai enkawllai 767 an la awm a ni.

Tun dinhmunah Mizoram-a District 11 zinga District 10-ah te hri kai enkawllai an la awm a, hri kai enkawllai tamna ber Aizawl District-ah mi 628 zet enkawllai an la awm a, Lawngtlai District in dawtin mi 68 enkawl an la ni bawk a, Kolasib District-ah mi 24 enkawl mek an la ni bawk. Heng bakah hian Lunglei District-ah mi 14 enkawl niin Mamit leh Serchhip District-ah mi 10 ve ve (nimin tlai-a Thenzawl-a hri kai mi 64 la chhiar telloh) la awmin Champhai District-ah mi 7 enkawl mek an la awm a, Saitual District-ah mi 3, Siaha District-ah mi 2 leh Hnahthial District-ah mi pakhat enkawllai an la awm a, Khawzawl District-ah hri kai enkawllai an awm tawh rihlo a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »