Puithiam atan nemnghet

Serchhip P&E Veng ami Rev. Fr. James Lalruattluanga chu Inrinni khan Puithiam (Deacon) atan nemngheh a ni a, Mizo zinga Catholic Puithiam 37-na a ni.

    Puithiam (Deacon) atana Rev. Fr. James Lalruattluanga nemnghehna Inkhawm hi Serchhip P&E Veng-a Our Lady of Assumption Church-ah neih a ni a, Aizawl Bishop, Most Rev. Stephen Rotluanga chuan Puithiam atan hian a nemnghet a ni. Rev. Fr. James Lalruattluanga hi Serchhp P&E Veng-a Paul Zohmingthanga leh Lydia Lalnunpuii te fa 5 zinga upa ber a ni. Rev. Fr. James Lalruattluanga hi Catholic Kohhran-ah Mizo zinga Puithiam 37-na a ni a, Aizawl Diocese atan bik chuan Puithiam 12-na a ni thung.