Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Assembly bye-election a Vote tla chhiar turin ruahmanna siam fel a ni tawh

Serchhip Bial Assembly bye-election a vote tla te chu tun Pathianni lo awm tur, May 2, 2021 zing dar 8:00 atangin chhiar a ni dawn a, inbuatsaihna pawh peihfel thawhkhat a ni tawh a, Vote tla chhiar tura ruat te pawhin Vawiin atang hian Training an nei tan dawn a ni.

Serchhip DC Office Election Branch atanga thu kan dawn danin April 17, 2021-a Serchhip Bial Assembly bye-election a Vote thlakna khawl te hi DC Office-a Strong Room-ah venhimna khauh tak hnuaiah dah mek an ni a, Election Commission of India in ruahmanna a lo siam tawh angin May 2, 2021 (Pathianni) zing dar 8:00 atang khian Vote tla te hi chhiar a ni dawn a ni. He inthlanna a Vote tla te chhiarna tur atan hian Serchhip DC Office chhawng chung bera DC Conference Hall-ah Counting Hall pakhat siam a ni a, Vote chhiarna tur atan hian Counting Table pasarih (7) siam tur niin hei hi hri leng avanga kaihhruaina siam ah hemi aia tam hi a remchan loh vang a ni a, hei vang hian Serchhip Bial-a Polling Station zawng zawng Vote chhiar kim tur chuan Round 5-ah zawhfel theih chauh a ni dawn a, Round tawp berah hian Table pakhat ah chauh Vote tla hi chhiar a ngai dawn bawk a ni. He inthlanna neih ah hian VVPAT hman niin Serchhip Bial chhunga Polling Station pakhat a VVPAT-a Vote tla te chu chhiar a ni dawn bawk a, khawi Polling Station nge tih erawh chu Vote chhiar dawnah pawh chawp tur a ni dawn a ni.

Serchhip Bial Assembly bye-election a Vote tla te chhiar tur hian Counting Supervisor mi 10 leh Counting Assistant mi 12 ruatchhuah an ni tawh a, heng mite hian Vawiin chawhma dar 11:00 atang hian Training an nei dawn a, anni bakah hian Micro-Observer tur mi 11 ruatchhuah ni bawkin anni hian naktuk khian Training an nei ve leh dawn bawk a, he inthlanna a ARO, Amol Srivastava IAS chuan zirtirna a pe dawn a ni.

Serchhip Bial-a bye-election neih zawh taka Vote thla te chhiarna hunah hian hri leng avangin mipui tam tak punkhawm a remchang dawnlo nia thudawn a ni a, Vote chhiarna hmunah hian Candidate hrang hrang te hian Counting Table tinah hian Counting Agent pakhat an dah theih dawn bakah midang pakhat an ruat belh thei dawn nia thudawn a ni a, mipuite hnena inthlan result puanchhuah dan turah hian ruahmanna siam tur a ni dawn bawk a ni.

Comments

Popular News (Last 30 Days)