Latest News

Aizawl tuilakna ah Tui chim chin a hniam zel

Aizawl tuilakna ah Tui chim chin a hniam zel

Ramngaw suasam a, thing leh mau vah che-reu a nasat avangin Aizawl chawmtu tui lakna ah tui chim chin chu a kum telin a tlahniam zel. PHE Department hotute sawi danin, Aizawl chawmtu tur tui an lakna pakhat, Tlawng lui Serlui chhuah chhakah Thawhtanni apiangin Tui pump chim chin teh thin a ni a. Hetianga an teh thin atanga chhinchhiah a nih danin kum 2019 khan tui tlem lai berin litre nuai 707 a awm a, kum 2020-ah tui tlem lai ber April ni 1-ah litre nuai 600 awmin, April ni 19, 2021-a an tehna hnuhnung berah tui litre nuai 314 a awm a ni. Kum 2019 aiin kumin (2021) ah za zelah 55 in tui awm zat a tla-hniam a, kum 2020 aiin zaa 6-in a hniam bawk.

A kum tela lui tuiin kam lam a pan zel nia an ngaih chhan chu Tlang lam leh lui bulhnai ramngaw vah chereu nasat a nih vang te, ruahtui lo paikhawltu tur ngaw siamtu thing leh mau an tlem tawh vangte a nih thu PHE Department thawktute chuan an sawi bawk.


Health Minister in hri kai tamna Veng te a tlawh

Health Minister, Dr. R. Lalthangliana chuan nimin khan Aizawl khawpui chhunga COVID-19 hri kai enkawllai tamna Veng thenkhat te tlawhin an mamawh turte a hlan. Health Minister hian hri kai enkawllai mi 26 ve ve awmna Kanan Veng leh Dam Veng te, hri kai mi 33 awmna Melthum leh hri kai enkawllai 21 awmna Bethlehem Veng-a Local Level Task Force-te Office chu tlawhin Face mask, Hand Sanitiser leh Duty te thingpui in nan sumfai a hlan a, Task Force-te hian harsatna an neih ber chu duh ang tawka Test (RAgT/RT-PCR) lak zung zung theih loh, Test-na khaih-lak leh zeuh thin chu a nih thu lo sawiin, Minister chuan Incharge Doctor lamte rawn tura lo hrilhin, harsatna awm apiangah inthlahrung lova sawi zung zung turin a chah bawk.National Level Seminar nei

Sawrkar laipui ruahmanna anga August 15, 2022-a India Independence kum 75-na lo thleng tur lawmna, Azaadi ka Amrut Mahatsav kal zelah nimin khan Govt. Hnahthial College chuan an College Auditorium-ah 'National Level Seminar on Ropuiliani' an buatsaih a, he hunah hian 'Lalnu Ropuiliani chanchin leh British laka a rilru put hmang' tih leh 'Resistance of Ropuiliani to Colonial Rule in Mizoram' tih thupui hmanga mi thiam te paper buatsaih chu zirhona neih a ni. Azaadi ka Amrut Mahatsav hi chawlhkar 75 chhung hman tur niin March 12, 2020 atang khan hman tan a ni.


Tlang san zawng teh

Nimin khan Govt. Champhai College-a Dept. of Geography, I&PR Champhai leh Sazep Branch YMA te tangkawp chuan tlang san zawng zirchianna, Elevation Survey neiin Champhai District chhung Khawbung RD Block-a Myan-mar ramri dep, Sazep ram chhunga Zopui Tlang sang lai ber chu lawnchhuakin an teh a, Zopui Tlang hi Ft. 6,462-a sang ni a chhinchhiah a ni. Hemi hmalam kumin March 30 khan Myanmar ramri dep-a awm tho Lurh Tlang chu tehin ft. 6,295 ni-a chhinchhiah a ni a, eng an zirchianna te hi uluk taka chhinchhiahin IQAC atan report an siam dawn a ni.


Kuhvarah man tam tawh

Khawzawl District Police te chuan March, 2021 atanga April 21, 2021 thleng khan dan lova Kuhva rah phur tum 5 an man a, Kuhvarah phur an mante hi Truck/motor 22 leh an kuhva rah phurh a vaiin bag 917 niin, tualchhung rate ah Rs. 73,36,000/- hu vel a ni a, Custom Preventive Force, Champhai-ah hlan an ni. Khaw-zawl District Police te hian March thla chhung khan Foreign Cigarette tum hnih manin a vaiin Case 82 a ni bawk. COVID-19 laka invenna tura inkaihhruaina dan bawhchhia nikum lam atang khan mi 2187 man ni tawhin an pawisa chawi chu Rs. 3,74,400/- a tling tawh bawk.


Zin lo turin thurawn pe

Mizoram sawrkar-a General Administration Department (GAD) chuan rampum leh a bik takin New Delhi-ah COVID-19 case a pun nasat avangin mipuite chu tul tawpkhawk thil a nih loh chuan hrileng in ziaawm lam a pan hmain New Delhi-ah zin lo turin thurawn a pe a. Hemi rual hian Mizoram mipuite an him zawk nan leh Mizoram House, New Delhi-a thawktute leh an chhungte an him zawk nan thu leh awm hma chu mikhual thar (Medical Emergency leh tul tak tak, House thuneituten rem an tih te chu huam tel lovin) chu Vasant Vihar leh Chanakyapuri Mizoram House-ah thlen phal a ni dawn lo tih an thuchhuah an hian an tarlang bawk.

Comments

Chhiar Hlawhte