NDMA-a Mitigation Project thawhluh tawh thlirho

Disaster Management and Rehabilitation (DM&R) Department hotute chu nimin khan an Minister, Lalchamliana hova thukhawmin National Disaster Management Authority (NDMA)-a Mitigation Project thehluh tawh te chungchang an thlirho.

He thutkhawm ah hian DM&R Minister, Lalchamliana chuan Mizoram hmun hrang hrang hmun 30 dawn lai maiah ramkang a chhuak leh Bungtlang South-ah te phei chuan chenna In 14 lai mai a kang chhia chu pawi a tih thu a sawi a. Mizoram Chief Minister Zoramthanga hmalaknaa Lunglei chhehvel bakah District dangte a ramkang thelh nan Helicopter hman theih a ni chu a lawmawm a tih thu pawh sawiin, khaw hrang hrangin mahni ramchhung kang thelh tura an thawh nasat zia Sawrkarin a hriat thu leh a lawm thu a sawi a. Kangmei dang a chhuah belh lohna turin fimkhur taka theihtawp chhuah turin mitinte a ngen bawk.

He thutkhawm ah hian State Disaster Management Department in Mitigation Project siama a hmachhawp hna hrang hrang National Disaster Management Authority a thehluh tawh te chungchang thlirho a ni a, DM&R Department in tun dinhmuna Project a ruahman te ennawna a pawimawh dan indawt deuha bawhzui tura rel a ni a. Hunthar - Vaivakawn inkar te, Lunglei College Veng te, Phullen leh Khawzawl-a lei tlahniam te chu kumin ah ngawrh zawka buaipui tum a ni.