Damdawi In-ah NSS hnatlang

/

Govt. Serchhip College NSS Unit te chuan nimin khan Serchhip District Hospital leh a vel thenfai hna hnatlang in an thawk.

Sawrkar laipui ruahmanna anga Mizoram-a Damdawi In fai thlanna, Kayakalp kalpui mek ah Serchhip District Hospital hi enfiah leh a nih tawh dawn avangin faina kawnga hmalakna chu kalpui chhunzawm zel a ni a, hemi denchhen hian Govt. Serchhip College NSS Unit te hian Community Service on Cleanliness Campaign an kalpui mek denchhenin nimin khan Serchhip damdawi In leh a chhehvel thenfai hna hi an thawk a, he hunah hian NSS Volunteer te bakah Programme Officer te an tel a ni.

Serchhip District Medical Superintendent mawhphurhna la mektu Dr. K. Lallawm-zuala chuan damdawi In fai endikna kawngah hian pawnlam mi ten damdawi In faina kanga hma an lak ve na chu endikna pawimawh tak a ni tih sawiin, hetianga zirlai ten hnatlang an nei chu lawm-awm a tih thu a sawi a. He endikna ah hian zirlaite mai bakah tlawmngai pawl leh Political Party ten hnatlang an neih chuan point a ken tel avangin midang pawhin hnatlang hi nei zel thei se an duh thu a sawi bawk a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »