Serchhip dai-ah lirthei chesual-in ralthuam man

Nizan hmasa zanlai pelh hnu vel khan Ser-chhip leh Thenzawl inkar-ah Bolero pakhat a chesual a, mi pakhat in nunna chanin Bolero-ah hian ralthuam engemaw zat man a ni bawk.

Thudawn danin he Motor chesual hi Bolero vek Motor dang nen inzuiin man chawi-a hman chi (Rental) an ni a, lirthei pakhat-ah hian mi pahnih chuangin pakhat-ah hian mi pakhat a chuang thung a, mi pahnih chuanna zawk lirthei hi chesualin kawngthlang-ah a tlanliam a, lirthei khalhtu hi boralin pakhat zawk hian hliam a tuar a ni.

Heng lirthei chesual atang hian Silai 11, a mu engemawzat, Mobile Phone, Sim Card leh WT Set te chu Police te chuan an man nia thudawn a ni a, Silai an mante hi Ulbun, Revolver, Airgun, 315 Rifle leh US Carbine te a ni a, a tam zawk chu tualchher an ni. He thil thlen dan hi Aizawl Police Station te chhuichiang tura tih a nih hnuah Serchhip Police Station-ah case ziahluh tura tih a ni leh ta zawk a, hliam tuar pawh hi Police te venhimna hnuaiah damdawi In-ah enkawl a ni.