Latest News

Serchhip thuthar thenkhat :

Tui ti thianghlim turin ngen

PHE Department Serchhip hnuaia District Laboratory-a Chemist, R. Laltanpuia chuan Ser-chhip leh a chhehvela Tui phur/hralh thin zawng zawngten mipuite hnena Tui thianghlim an pek theihna turin an tui phurhah tui tih thianghlimna (Chlorine) pawlh thin turin a ngen a, tui tih thiang-hlimna (Chlorine) hi Office hun chhungin District Laboratory Office, PHE Department, Ser-chhip WATSAN Division-ah a lam theih a nih thu a tarlang bawk.


Silai 2 aia tam neih theihloh

Mizoram sawrkar-a Home Department in thuchhuah a siam angin Serchhip District chhunga Silai pahnih aia tam nei zawng zawng ten he thu chhuah atanga thlaruk (6) ralhmain an silai pathum zinga pakhat chu Licensing Authority ah emaw, an awmna atanga hnai ber Police Stationah emaw an tung ngei tur a ni a. Hetiang a nih avang hian Silai pahnih aia tam nei zawng zawng ten an Silai chu an chhungte hmingin an dah/ hlanchhawng thei a. Hemi atan Arms License dilna Form la-chhuakin Licensing Authority hnenah dil tur niin May 31, 2021 hmain District Magistrate hnenah ngaihven theih a ni ang. 


Vote chhiar turin inbuatsaih

Serchhip bial Assembly bye-election neih a Vote tla te chhiar tura inbuatsaihna kal mekah nimin khan Micra-Observer te chuan Serchhip DC Meeting Hall-ah Training nei lehin inthlanna a Vote chhiar turte chuan Training an nei zo ta a. Vawiin tlai hian Vote chhiar ni-a venhimna hna thawktu tur, Police te chuan an hnathawh dan tur inzirtirna an nei ve leh dawn bawk a ni.


Transgender ID dilna siam

Sawrkar Laipui-a Ministry of Social Justice and Empowerment chuan Tansgender ten awlsam taka Certificate of Identity leh Identity Card an dil theihna turin portal transgender.dosje.gov.in a siam a. He portal kaltlang hian mamawhtute tan dilna thehluh theih niin dilna pawm leh hnawk chu DC tin thuneihna a ni thung ang.


Press briefing nei dawn

Serchhip Bial Assembly bye-election neih kal mekah Election Commission of India in rua-hmanna a siam angin Serchhip District Election Officer, Kumar Abhishek chuan Vawiin tlai dar 4:00 hian a tum 4-na atan DC Meeting Hall-ah Press Briefing a nei leh dawn.


Vaccine lak theih dawn

Rampum-a kum 45 chunglam te hnena CO-VID-19 hri danna pek kalpui mekah Vawiin hian Serchhip CMO Office hnuaia Main Centre-ah kum 45 chunglam, hri danna la la lo tan hri danna hi lak theih a ni dawn a, hei hi kum 45 chunglam tana hri danna pek tawpna ber tura ruahman niin Serchhip Town chhung ami tan hri danna hi lak theih a ni ang.


NSS Bulletin tlangzarh

Govt. Serchhip College NSS Unit ten thlakip chhuak tur ‘NSS Bulletin’ an buatsaih chu nimin khan he College Principal, PC. Lalremsiama chuan an College-ah a tlangzarh a, he Bulletin tihchhuah turah hian NSS hmalakna hrang hrang bakah an College hmalakna hrang hrang leh zirlaite tana tangkai turte tarlan thin tura ruahman a ni a, Soft Copy leh hard Copy-a tihchhuah tur a ni ang.

Comments

Chhiar Hlawhte