Latest News

Hri kai mi 4 enkawl dam leh

Serchhip District-a COVID-19 hri kai hmuh mi pali te chu nimin khan hri lakah fihlimin anmahni enkawlna atanga chhuahtir an ni.

Thudawn danin nimin-a hri kai enkawl dam te hi tun thla ni 13-a hri kai hmuhchhuah mi 2, Serchhip ami leh Thenzawl ami bakah tun thla ni 15-a hri kai hmuhchhuah mi pahnih, Assam inthlanpui a Duty Mizoram Police te zing ami a ni a, an zinga pathum hi Nursing School CCC atanga chhuahtir niin pakhat hi ZMC atanga chhuahtir a ni thung.  Heti hian Serchhip District-a COVID-19 hri kai hmuhchhuah chu mi 199 an la ni a, heng zinga mi 186 te chu enkawl dam ni tawhin tunah hian hri kai enkawlai mi 12 an la awm mek a, an zinga mi 11 te chu CCC-ah enkawl niin ZMC-ah mi pakhat enkawl a ni bawk.

Tun dinhmunah hri leng avanga mahni In lama inkhunghrang mi 19 la awmin sawrkar hmunhma a inkhunghrang mi 63 an la awm bawk a, Zirtawpni khan TrueNat Laboratory-ah Sample 5 enfiah niin Rapid Antigen Test hmangin Sample 105 enfiah a ni a, Inrinni khan TrueNat Laboratory-ah Sample 17 leh Rapid Antigen Test hmangin Sample 56 enfiah a ni a, hri kai hmuh belh an awmlo a ni.

Comments

Chhiar Hlawhte