Mizoram-ah ni khat-ah hri kai thar 91 an awm

/

Niminpiah khan Mizoram-ah Sample 2038 enfiah niin COVID-19 hri kai mi mi 91 zet hmuhchhuah an ni a, kumin chhunga ni khat-a hri kai hmuhchhuah an tam ber ni a ni.

Niminpiah khan ZMC Laboratory-ah Sample 228 enfiah niin COVID-19 hri kai mi 7 hmuhchhuah an ni a, an zinga mi 5 te hi tunhnaia State pawn atanga rawn haw inkhunghrang lai an ni a, pakhat hi hri kaina hriatloh niin pakhat hi a chanchin kimchang hriatloh a ni thung. Niminpiah khan District hrang hranga TrueNat Laboratory-ah Sample 47 enfiah niin hri kai pakhat hmuh a ni a, Lunglei District-ah niin tunhnaia State pawnlam atanga rawn haw a ni thung.

Niminpiah khan Rapid Antigen Test hmangin Sample 1763 enfiah niin hri kai 83 zet hmuhchhuah an ni a, Lengpui Airport Screening Point-ah hri kai mi 25 hmuhchhuah niin an zingah hian Lengpui Airport-a duty Taxi driver mi pathum an tel a. Aizawl khawpui chhung Veng hrang hrang ah hri kai 44 zet hmuhchhuah niin heng zingah hian Melthum-a hmuhchhuah mi 14 zet an tel a. Serchhip District-a Chhingchhip khua ah hri kai mi 3 hmuh an ni a, Lawngtlai District-ah hri kai mi 10 hmuh an nih bakah Kolasib District-ah hri kai mi pakhat hmuh an ni bawk.

Heti hian nimin tlai thleng khan Mizoram-a COVID-19 hri kai hmuhchhuah tawh chu 4995 an tling ta a, nimin khan Mizoram-ah hri kai mi 23 te chu enkawl dam leh niin heng mite nen hian nimin tlai dar 5:00 thleng khan Mizoram-ah hri kai 4569 te chu enkawl dam an ni ta a, hri kai hmuhchhuah atanga za zela 91.50 te chu enkawl dam ni tawhin tunah hian hri kai enkawllai 414 an la awm a, nunna chan mi 12 an awm tawh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »