ASF vangin Mizoram-ah Vawk 1119 a thi tawh

Vawk pul hri, African Swine Fever (ASF) avangin State chhungah Vawk 1119 a thi tawh niin AH&Vety Department chuan a chhinchhiah a, Report-in a tarlan danin African Swine Fever lenna huamchhung ni lo ah a thih chhan hriat loh Vawk thi an awm a, heng Vawk thi te hi khaw hrang hranga mi niin Chawngte-ah 72, Durtlang-ah 10 leh Serchhip-ah 5, a vaiin 87 a ni.

    Nimin khan Lunglei District chhungah Vawk 27 a thih belh leh a, Lunglei District chhunga vawk thi tawh zawng zawng hi a vaiin 760 a tling tawh a ni. Hri intanna nia hriat Lungsen bikah nimin khan Vawk 13 thih belhin a vaiin Vawk 654 a thi tawh a. Lunglei khawpui bikah nimin khan Vawk 14 thih belhin a vaiin vawk 106 an thi tawh a ni. AH&Vety Department nitin report-in a tarlan danin nimin khan Lunglei District-a Vawk thi tihloh chu Aizawl District-a Armed Veng-ah Vawk 3 a thih belh a ni.