Latest News

Hri danna pek zui zel a ni

Zirtawpni tlai thleng khan Mizoram-ah mi 1,01,996 te hnenah COVID-19 Vaccine Dose 1-na pek ni tawhin mi 31,000 te hnenah Dose 2-na pek a ni tawh bawk.

Kumin January 16-a Mizo-ram-a COVID-19 Vaccine, Covishield pek hna thawh a nih hnuah niminpiah tlai thleng khan Mizoram-ah hian mi 1,01,996 te hnenah Dose 1-na pek a ni tawh a, Health Care Workers mi 12,388 te hnenah Dose 1-na hi pek ni tawhin an zinga mi 10,778 te hnenah Dose 2-na pek a ni tawh bawk a. Frontline Workers mi 22,532 te hnenah Dose 1-na pe tawhin an zinga mi 12,118 te hnenah Dose 2-na pek a ni tawh bawk. Kum 45 atang 60 inkar mi 41,350 te hnenah Dose 1-na pek ni tawhin an zinga mi 708 te chu Dose 2-na pek an ni tawh bawk a, kum 60 chunglam mi 25,726 te hnenah Dose 1-na pe tawhin an zinga mi 7396 te hnenah Dose 2-na pek a ni tawh bawk.

Hetihlai hian Serchhip District-ah pawh hri danna pek hna hi kalpui chhunzawm zel ala ni a, Health Care Workers mi 714 te hnenah Dose 1-na pein an zinga 708 te chu Dose 2-na pek an ni tawh a, Frontline Workers mi 2283 te hnenah Dose 1-na pein an zinga mi 1193 te chu Dose 2-na pek an ni tawh bawk a, kum 45 atanga 60 inkar mi 1920 te hnenah Dose 1-na pek niin an zinga mi 46 te chu Dose 2-na pek an ni tawh a, heng bakah hian kum 60 chunglam mi 2201 te hnenah Dose 1-na pe tawhin an zinga mi 688 te chu Dose 2-na pek an ni tawh bawk a, tun thlengin Serchhip District-ah hian mi 7,118 te hnenah hri danna Dose 1-na pe tawhin an zinga mi 2635 te hnenah Dose 2-na pek a ni tawh bawk a ni.

Comments

Chhiar Hlawhte