Hri kai mi 34 hmuh belh leh
Nimin khan Serchhip District-a COVID-19 hri kai mi 34 hmuhchhuah leh niin hri kai mi 64 te enkawl dam an ni thung.
Posts
Serchhip Sub-Hqrs. YMA VMC hmalakna Bialtu MLA in tha a tih thu leh entawntlak a tih thu a sawi
Serchhip bialtu MLA Lalduhoma chuan a bial chhunga hmasawnna hnathawh tha taka a kal theih nan tlawmngai pawl te nen en ho thin a duh thu sawiin, hemi kawnga Serchhip Sub-Hqrs. YMA Vigilance & Monitoring Committee hmalakna chu tha a tih thu leh entawntlak a tih thu a sawi.
Tuikum bialtu MLA in Thentlang khua a tlawh
Tunhnaia COVID-19 hri kai engemaw zat hmuhna Thentlang khua chu nimin khan bialtu MLA leh Assembly Deputy Speaker Er. Lalrinawma chuan tlawhin khawtlang hruaitute nen inkawmna an nei.
Restricted Area puan hlip
Tunhnaiah New Serchhip VC Area-a CO-VID-19 hri kai hmuhchhuah an pun zel avanga Serchhip District Bawrhsap in Oct. 21, 2021 atanga New Serchhip South VC Area, Pioneer Camp hnunglam hmun thenkhat Restricted Area ah a lo puan tawh chu Contract Tracing tih zawh a nih tawh avang leh hri kai te pawh an dam tak avangin Oct. 29, 2021 tlai dar 5:00 atangin Restricted Area-a puan a nihna chu hlih leh a ni.
Cricket Team tir dawn
Cricket Association of Mizoram (CAM) buatsaih Mizoram-a Cricket inelna awm zinga sang ber, Presidents Cup chu karleh Thawhtanni, Nov. 1, 2021 khian Sihhmui-ah khelh tan a ni dawn a, Cricket Association of Serchhip District (CASD) pawhin Team tirh tumin inbuat-saihna an kalpui mek a, tunah hian Player thlan fel ni tawhin an match hmasa berah Ramhlun Venglai chu karleh Thawhlehni zing dar 9:00 khian an hmachhawn dawn a ni.
ASF vangin Vawk pakhat thi
Serchhip District-ah a zawn-a ni 2 chhung ASF vanga Vawk thi a awmloh hnuah nimin khan Thentlang khua ah Vawk thi pakhat a awm leh a, Thentlang khua ah hian ASF vangin Vawk 29 lai a thi ta a, heng te nen hian Serchhip District-ah ASF vangin Vawk 3836 lai a thi tawh a ni.
YMA in thisen Unit 22 pe
Serchhip Chanmari Branch YMA chuan nimin khan Serchhip Blood Bank-a dah turin a thlawnin thisen an pe a, thisen petute hi mipa 16 leh hmeichhia 6, an vaiin mi 22 an pe a, heng mi tlawmngai te hi Blood Bank-ah kalin thisen hi an pe a ni. Serchhip Blood Bank-ah hian thisen mamawhna a san avangin thisen dah khawl sa a awm hman meuh lo nia thudawn a ni.
Agriculture Department in Vaimim tharchhuah lei sak
Serchhip District-a kuthnathawktute Vaimim tharchhuah te chu tunlai hian a fang mal-a nuaithlak sa in Agriculture Department chuan FOCUS hnuaiah kg-ah Rs. 20 in an lei sak mek.
Serchhip-a mimal hnena a pung um-a sum dah chhuina Police ten an titawp tawh
Mi thenkhat ten Serchhip-a mimal pakhat hnena a pung um-a sum an dahkhawm chungchanga harsatna thleng chu Serchhip Police ten hun engemaw chen an buaipui hnuah sum dahtu (Depositor) te duhdan angin thubuai siam lova tihtawp a ni a, heng mite sum hi an dahna te hian kum 7 chhunga rul turin intiamkamna ziah a ni thung.
Mizoram-ah hri kai hmuhchhuah zat tlahniam zel
Mizoram-ah ni tin-a COVID-19 kai hmuhchhuah chu a tlahniam chho zel a, niminpiah khan Mizoram-ah Sample 6614 enfiah niin heng atang hian hri kai mi 592 hmuh an ni a, Sample enfiah atanga za zela 8.95 te chuan hri hi an kai a ni.
All Mask Campaign kalpui chhunzawm zel dawn
Health Minister Dr. R. Lalthangliana chuan Mizoram-a ‘All Mask Campaign’ kalpui mek chu November 15, 2021 thlengin kalpui leh tur a nih thu a sawi.
Anthurium Festival hawng
Ni 2 chhung neih tur Anthurium Festival 2021 chu nizan hmasa khan Deputy Chief Minister Tawnluia chuan Aizawl-a Vanapa Hall-ah a hawng a, he hunah hian COVID-19 hri leng avangin mi tlemte chauh tel tura sawm an ni a, a duh apiang ten an chhim theih turin TV leh Internet kaltlangin pekchhuah a ni thung.
Hri leng karah Zan lam inkhawm phal a ni dawn ta
Mizoram sawrkar chuan October 31, 2021 atanga November 30, 2021 zanlai dar 12:00 thlenga hman tur COVID-19 hri leng laka inkaihhruaina tur a tichhuak ta a, zan lamah pawh Sakhaw biak inkhawm neih theih a ni tawh dawn a ni.
Covid vaccine pe mek zel
Serchhip District-a COVID-19 Vaccine pek hna kalpui mekah nimin khan mi 6 hnenah 1st Dose pek niin mi 66 hnenah 2nd Dose pek leh a ni bawk a, nimin khan a vaiin Dose 72 pek a ni.
Hri kai 44 hmuh belh an ni
Serchhip District-ah COVID-19 hri kai la hmuhchhuah belh zel niin nimin khan hri kai mi 44 lai hmuh belh leh an ni.
Ni zawn in Vawk thi awmlo
African Swine Fever (ASF) avanga nimin-piah lama Serchhip District-a Vawk thi a awmloh hnuah nimin khan Vawk thi chhinchhiah belh a awm lo leh a, kumin March thla atanga Serchhip District-a ASF vanga Vawk thi a awm hnuah a ni zawn-a Vawk thi a awmloh hmasak ber nia hriat a ni. Heti hian nimin thlengin ASF vanga Serchhip District-a Vawk thi chu 3835 a tling tawh a ni.
KRAM Infracon Pvt. Ltd. hnuaia Contractor ten an harsatna tawh hrang hrang an sawipui
Aizawl atanga Tuipang thleng National Highway-54 laihzauh leh siamthat hna thawh meka Package-2, Baktawng leh Keitum inkara KRAM Infracon Pvt. Ltd. ten an thawh mek hnuaia Contractor te chuan nimin khan Serchhip-a thuthar thehdarhtute leh tlawmngai pawl aiawhte kawmin an harsatna tawh te an sawipui.
Raltlan te Mizoram-ah zirna chhunzawm phalsak
Mizoram Board of School Education (MB-SE) chuan Myanmar ram buaina avanga Mizoram-a raltlan zinga zirlai ten Mizoram-ah zirna an chhunzawm phalsak a nih thu thuchhuah siamin a tarlang.
COVID-19 hri kai hmuhchhuah tlahniam zel
Mizoram-ah COVID-19 hri kai hmuhchhuah tlahniam zelin niminpiah khan Sample 6831 enfiah atangin hri kai mi 547 hmuhchhuah an ni a, Sample enfiah atanga za zela 8.01 te chuan COVID-19 hri an kai a ni.
Champhai-ah DC hovin hmalakna hrang hrang thlirho
Nimin khan Champhai-ah District Bawrhsap Maria CT. Zuali hovin Faina, Plastic hman khap, Tuihna humhalh leh ruahtui khawlkhawm kawnga hmalakna leh hmachhawp hrang hrangte sawiho a ni.
Mizoram-a Sub-Centre 275 te Health & Wellness Centre-ah hlankai a ni tawh
Health Minister Dr. R. Lalthangliana chuan Sub-Centre tia sawi thin te chu Health & Wellness Centre-ah hlankai (upgrade) mek a nih thu sawiin, tunah hian Sub-Centre 275 upgrade a nih tawh thu a sawi.
Tuirial bial-a inthlang turin inpeih thawkhat tawh
Tunkar Inrinni-a Tuirial Assembly bial Bye-Election neih tur atana inbuatsaihna chu tluang taka kalpui zel niin inthlang turin an inpeih thawkhat tawh tih Kolasib District Election Officer Dr. H. Lalthlangliana chuan a sawi.
Vawk thi awm belh lo
Serchhip District-ah nimin khan African Swine Fever (ASF) vanga Vawk thi chhinchhiah belh a awm lova, hei hian Serchhip District-ah nimin thleng khan ASF vangin khaw 35-ah Vawk 3835 thi tawhin Vawk 3040 suat a ni tawh a, ASF hri lenna hmuna puan ni lo khaw 10-ah Vawk thi 64 a awm tawh bawk a ni.
MLA khawl pek hmang
Serchhip CMO Office-a thawktute chuan tunhnaia Serchhip bialtu MLA Lalduhoma’n CO-VID-19 hri leng dona tura khawl a pek, Fluorescent Immunoassay (FIA) hmanga Sample enfiahna chu hman a nih tawh thu an sawi.
Hri kai 4000 aiin tam ta
Serchhip District-a COVID-19 hri kai hmuh tawh zawng zawng chu mi sang li aiin an tam ta.
Magistrate in thupek chhuah
Serchhip District Magistrate Kumar Abhi-shek IAS chuan CrPC 1973 (Act II of 1974) Section 144-in thuneihna a pek angin Serchhip District pumpuiah Dan-in a phalloh bungrua leh thildang eng pawh phur lirthei reng reng tlan khap a ni tih thupek siamin a tarlang a, he thupek bawhzuina kawngah khaw tin VC-ten theihtawp an lo chhuah tur niin; thupêk palzuttute chunga dan anga hma lak a nih ngei theih nan Department kaihhnawih leh VC-ten dân leh thupêk keng-kawhtute an hriattir zel tur a ni tih a tarlang bawk. He thupek hian thu leh awm hma chu Order chhuah a nih (21st October, 2021) atanga thla 2 (hnih) chhung a huam ang a, thupek zawm lo chu Section 188 IPC dan hmangin leh dan lova thil phurh hremna dan dang hmangin hrem theih an ni ang tih a tarlang bawk.
Serchhip Dist-ah 4C 25 awm
Serchhip District-ah COVID-19 hri kai hmuh belh zel a nih avangin khawtlang in hri kai enkawlna tur hmun an ruahman, Community COVID Care Centre (4C) 25 lai siam a ni tawh.
COVID-19 hri kai mi 740 hmuh belh leh an ni
Mizoram-a COVID-19 hri kai hmuhchhuah tlahniam ve leh hretin niminpiah khan Mizoram-a Sample enfiah 8112 atangin hri kai mi 740 hmuh leh an ni a, Sample enfiah zawng zawng atanga za zela 9.12 te chuan hri an kai a ni.
School Education Director in Lehkhabu tlangzarh
School Education Department Director James Lalrinchhana chuan High School English Grammar Zirna Lehkhabu chu nimin khan a tlangzarh.
DCPU hnuaia hmalakna hrang hrang thlirho
Nimin khan Lawngtlai-a District Level Child Protection Committee chu thukhawmin District Child Protection Unit (DCPU) hmalakna leh hmachhawp hrang hrang an sawiho.
Tuirial Bial bye-election neih turah Campaign theih hun nimin tlai khan a tawp
Tunkar Inrinni-a Tuirial bial Assembly bye-election neih tur atana Campaign theih hun chu nimin tlai dar 6:00 khan a tawp ta a, Party hrang hrangte chuan hun tawp thleng hian Campaign hi an kalpui a ni.
Health Minister Dr. R. Lalthangliana’n ZMC-ah Genome Sequencing Laboratory a hawng
Health Minister Dr. R. Lalthangliana chuan nimin khan Zoram Medical College (ZMC)-ah Genome Sequencing Laboratory leh ZMC Director Quarters a hawng a, ZMC chu kum 3 leh thla 2 leka upa ni mahse nasa takin a thang tih a takin a hmuh theih tih a sawi.
Mizoram-ah hri kai 790 hmuh belh leh an ni
Niminpiah khan Mizoram-ah Sample 8380 enfiah leh niin heng atang hian COVID-19 hri kai mi 790 hmuh leh an ni a, Sample enfiah atanga za zela 9.43 te chuan hri an kai a ni.
Hri leng vangin hmasawnna a thuanawp - CM
Chief Minister Zoramthanga’n COVID-19 hri leng avanga hmasawnna hna tam tak a thuanawp thu sawiin, Mizoram chauh nilo, ram pum chauh pawh nilo, khawvel pumah nghawng nasa tak he hri hian a nei a ni, a ti.
Hri kai 51 hmuh belh leh
Nimin khan Serchhip District-ah COVID-19 hri kai mi 51 hmuh belh niin hri kai mi 74 te enkawl dam an ni thung.
Thiamna platform, thiamna.com tlangzarh
Mizoram Youth Commission (MYC) Chairman Dr. Vanlaltanpuia chuan Thiamna platform, thiamna.com chu nimin khan a tlangzarh.
Vawk thi 3835 tling tawh
Serchhip District-a African Swine Fever (ASF) vanga Vawk thi chu 3835 a tling ta a, nimin khan Sialsir-ah Vawk pahnih thi lehin Khaw-lailung leh Thentlang-ah Vawk pakhat ve ve a thi leh bawk a ni.
Cheng nuai 25 ruahman fel
Thenzawl Lothazawl-a Public Playground a Pavilion sakna atan Mizoram sawrkar chuan cheng nuai 25 a ruahman fel ta a, Mizoram State Sports Council (MSSC) hotute chuan nimin khan Thenzawl khawtlang hruaitute nen Pavilion sakna tur hi a hmunah an enfiah a ni.
Financial Lieracy Campaign
State Bank of India Lead Bank Office, Ser-chhip District buatsaihin nimin khan Thenzawl Bazar Veng-a Joint YMA Hall-ah Credit Outreach Financial Literacy Campaign buatsaih a ni.
Zirlai chawimawina hun hmang
Marian High School Alumni chuan nimin khan he School atanga zirlai tithate chawimawina hun hmangin mi 6 hnenah chawimawina an hlan a ni.
Campaign in a vawrtawp a thleng chho mek
Tuirial bial-a Assembly bye-election neih tur atana Campaign theih hun chuan a vawrtawp a thleng chho mek.
Scho chungchangah H&TE Minister in hma la
Mizoram Scholarship Board chuan Post-Matric Scholarship chungchangah H&TE Minister Dr. R. Lalthangliana chuan chak takin hma a la tih an sawi.
Halpuah leh halmawi khapna ah khauh takin sawrkar in kal a tum tih Home Minister in a sawi
Home Minister Lalchamliana chuan Halpuah leh Halmawi te, Silai lem mu nei chi te khapna chu sawrkarin khauh taka kalpui a tum thu a sawi.
Sawrkar hnathawkte leh keimahni intuituahna tur atana sawrkar hi awm a ni lo - Chief Secretary
Mizoram Chief Secretary leh Chief Vigilance Officer ni bawk Lalnunmawia Chuaungo chuan, “Sawrkar hnathawkte leh keimahni intuituahna tur atana sawrkar hi awm a ni lo,” a ti.
Consumer Protection Act, 2019 tlangzarh
Supply Minister K. Lalrinliana chuan nimin khan a Pisa-ah ‘Consumer Protection Act, 2019’ Mizo tawng-a lehlin chu a tlangzarh.
Hri kai 3900 aiin tam tawh
Serchhip District-a COVID-19 hri kai hmuhchhuah zawng zawng chu 3900 aiin an tam ta.
Serchhip District-ah COVID-19 vang thi mi 5 te Ex-Gratia pek theih tura tihfel a ni tawh
COVID-19 avanga thi chhung ten Serchhip DC Office-a COVID-19 Ex-gratia dilna an thehluh atangin mi 5 te dilna chu pawmsak ni tawhin sum pawh pekchhuah tura sanction a ni tawh a, COVID-19 Ex-gratia diltu chuan an chhung thi ta chu COVID-19 vanga thi a ni ngei a ni tih tarlanna ‘Death Certificate’ an neih a ngai a ni.
PPIUD chungchang zirhona Serchhip-ah neih a ni
Nu nau nei ten nau an neih atanga darkar 48 chhunga indanna atana Copper-T an vuahna tura hmalakna thar chungchang inhrilhhriatna chu nimin khan Serchhip Press Club-ah neih a ni.
ASF vangin Vawk 4 thi leh
Nimin khan Serchhip District-ah Vawk hri leng, African Swine Fever (ASF) vangin Vawk thi 4 a awm belh leh. Nimin-a Vawk thi zinga 2 te hi Khawlailung ami te niin Sailulak leh Sialsir khua ah Vawk pakhat ve ve a thi leh bawk a, heng te nen hian Serchhip District-a ASF vanga Vawk thi chu 3831 lai an tling tawh a ni.
Prime Minister Programme Serchhip-ah lo hmang ve
India ram Health Infrastructure tih chantlunna tur Scheme, Pradhan Mantri Atmanirbhar Swasth Bharat Yojana (PM-ASBY) chu nimin khan Prime Minister Narendra Modi chuan hawngin he hun hi ramchhung hmun hrang hrangah biak hmuhtheihna hmanga lo zawm a ni a, Serchhip ah pawh CMO Office-a Main Centre-a he hun hi CMO Dr. Laldawngliana hovin thawktu ten an lo zawm ve a ni.
Zah lo taka vautute Vote lo ngam turin an ngen
Mizoram Pradesh Congress Committee chuan Tuirial bial-a Assembly bye-election neih turah mipuite leh sawrkar hnathawkte zah lo taka vautute chu vote lo ngam turin an ngen tih an sawi.
Pathianni-ah hri kai mi 158 hmuh belh an ni
Pathianni khan Mizoram-ah Sample 2613 enfiah niin heng atang hian COVID-19 hri kai mi 158 hmuhchhuah an ni a, Sample enfiah te atanga za zela 6.05 te chuan hri an kai a ni.
COVID-19 Sample Test kaihhruaina tichhuak
Mizoram sawrkar chuan COVID-19 Sample Test chungchang ah inkaihhruaina thar a tichhuak a, thih hnua Sample Test chu tih loh tur a nih thu tarlan a ni.
Skywalk Project leh Ropeway Project a thuanawp chhan chhui ngei turin sawrkar phut
Sakawrhmuituai Tlang-a Skywalk Project leh Ropeway Project a thuanawp chhan chu chhui ngei tura MNF sawrkar an phut thu MPCC thupuangtu Dr. Lallianchhunga chuan a sawi.
SEDP-in nakum atangin kuthnathawktute hnen a thleng dawn - Lalruatkima
MNF Adviser Lalruatkima chuan SEDP-in nakum atangin kuthnathawktute hnen a thleng dawn tih a sawi.
Cricket League-ah AO3C an champion
Cricket Association of Serchhip District (CASD) in an buatsaih ‘Serchhip District Cricket League’ vawi 1-na chu Inrinni khan khelh zawh niin AO3C te chu an champion.
Hri kai boral mi 9 tling ta
Serchhip District-a COVID-19 hri kai te zingah boral awm belh lehin mi 9 lai an boral tawh a ni. Inrinni zan dar 7:00 vel khan Zomawii (80), E. Lungdar chu ZMC-ah a boral a, Zomawii hian Oct. 9, 2021 khan COVID-19 hri a kai tih hmuh-chhuah niin a tuk Oct. 10-ah khan DCHC Ser-chhip-ah dahluh a ni a, ni 2 hnuah ZMC-ah lak leh niin Inrinni zan khan a boral zui ta a ni.
Hri kai 3826 an tling tawh
Nimin thleng khan Serchhip District-ah COVID-19 hri kai mi 3826 hmuhchhuah ni tawhin an zinga 3076 te enkawl dam an ni tawh.
Tuialhthei man sang zel
Tunhnaiah ramchhung hmun hrang hrangah Tuialhthei man a sang chho mek a, Serchhip ah chuan nimin khan Petrol litre khat Rs. 105.41 niin XP chu Rs. 109.05 a ni a, Diesel pawh litre khat Rs. 96.42 a ni bawk. He rate hi Vawiin lamah chuan a danglam leh dawn nia thudawn niin hei ai hian a sang leh hret dawn a ni.
Inkhawmna nei chho mek
COVID-19 hri leng avanga hun engemaw chen Pathian biak inkhawm theih a nih loh hnuah sawrkar in ruahmanna a siam angin Serchhip-a Kohhran tam zawk chuan Pathianni-ah inkhawm an kalpui tawh a, inkhawmna la nei theilo Kohhran thenkhat an awm bawk. Pathianni-a inkhawm nei thei Kohhran hrang hrangte hian sawrkar in hri leng laka invenna tura ruahmanna a siam te tha taka zawmin Biak In-ah zai a nih loh bakah Inkhawm ten Mask vuahin Kut silfaina te pawh chhawp a ni bawk.
Mi bo ruang hmuh a ni
East Lungdar khua a mi bo H. Darsangzuala (42) chu khawtlang in an zawn hnuah a ruang hmuh a ni. East Lungdar atanga thudawn danin H. Darsangzuala s/o H. Lalkulha (L) hi a nu ho a khawsa niin tunhnaiah rilru lamah harsatna a nei a, Zirtawpni zing dar 5:00 vel khan an chenna In atanga chhuakin a chin hriat zui a nih loh hnuah Inrinni khan khawtlang huapa zawn hnatlang neih a ni a, chawhma dar 11:00 vel khan khua atanga hla lo te-ah inawkhlum-a hmuh niin hemi ni vek hian a ruang hi vuiliam nghal a ni.
YMA in tanpuina hlan
Serchhip Sub-Hqrs. YMA chuan COVID-19 hri leng avanga harsatna tawk mek Keitum khua hnenah Inrinni khan 4C-a hman turin Buhfai bag 2, Dal bag khat leh Tel case khat te bakah pawisafai Rs. 5000/- an hlan a. Keitum khua ah hian tunhnaiah COVID-19 hri kai hmuh belh an awm nual a, Inrinni-a tanpuina an hlan lai hian 4C-ah mi 114 awmin In lama hri kai enkawl 26 an awm bawk a ni.
ASF vangin Vawk 3827 thi tawh
Serchhip District-a African Swine Fever (ASF) vanga Vawk thi chu nimin thleng khan 3827 an tling tawh. AH&Vety Department ten an chhinchhiahna atanga a lan danin nimin khan Serchhip District chhunga Khawlailung-ah ASF vang hian Vawk thi pakhat awm lehin heti hian nimin thleng khan Khawlailung-ah hian ASF vangin Vawk 39 a thi tawh a, heng te nen hian Serchhip District chhung khaw 35-a ASF vanga Vawk thi chu 3827 a tling ta a ni.
TrueNat hman theih hnai
Serchhip District Hospital-a TrueNat Quattro RT-PCR (Mini RT-PCR) chu Servicing tih a tul avanga Aizawl lama thawn a nih hnuah Serchhip rawn thlenpui a ni leh tawh a. Vawiin lam hian a khawl bun that hna hi thawh nghal tura ruahman niin harsatna dang a awm a nih loh chuan Vawiin vek hian hman nghal theih beisei a ni tih Dr. Lalnunhlima Khiangte MO Incharge chuan a sawi.
Mizoram-ah hri kai hmuhchhuah tlahniam zel
Mizoram-ah COVID-19 hri kai hmuhchhuah an tlahniam zel a, Inrinni khan Sample 6037 enfiah niin heng atang hian hri kai mi 572 hmuh belh leh niin Sample enfiah atanga za zela 9.47 te chuan hri an kai a ni.
MPCC in Political Party leh CM an ngen
Mizoram Pradesh Congress Committee (MPCC) chuan Kohhran in a khak ngai khawp leh Pathian rawngbawltute zahawmna ti hminghliau zawnga che tawh lo turin Political Party leh Chief Minister Zoramthanga an ngen tih an sawi.
Skywalk siamna tur sum chhui turin tifel tep
MNF Adviser leh Tourism Department changtu Minister ni bawk Robert Romawia Royte chuan Sakawrhmuituai Tlang-a Skywalk siam tur chu sum tih chingpen avanga a khawtlai thu sawiin, a chhui tur an tifel tep tih a sawi.
Raltlan rawn lut tlem hret
Myanmar ram buaina avanga Mizoram-a raltlan rawn lut chu tunhnaiah an tlahniam hret nia hriat a ni a, amaherawh chu Chin State-ah inkahna a awmchhoh zel avangin raltlan lo lut leh huk thei dinhmunah a ding mek thung.
Online sum peipunna hmangten FIR thehlutin cheng vbc. tel hloh thei dinhmunah an ding
Mizoram atanga ‘Tasman app’ a sum invest (sum peipun tuma dahkham) tu mi thahnem tak te chuan harsatna an tawk mek a, CID Crime-ah FIR thehluh ni tawhin, chiang taka hriat theih la ni lo mah se cheng vbc. 1 chuang hloh thei dinhmunah an ding mek nia thudawn a ni.
Kum 18 chunglam 61.56 ten Vaccine la zo tawh
Mizoram-a kum 18 chin chunglam zinga za zela 61.56 te chuan COVID-19 hri danna an la zo tawh.
Therhlo nena Tuikuk ten vote an thlak theihna tura ruahmanna siam an awm niin YMA in an hria
Central YMA chuan Election Commission of India duhdan kalha, therhlo nena Tuikukte vote thlak theihna tura ruahmanna siam Political Party an awm nia an hriat thu sawiin, hei hi pawi an tih thu leh Tripura-a Tuikuk te tana vote thlakna hranpa siam chu remchang lovah an ngai tih an sawi.
Cricket Final khel dawn
Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.
Vawk thi 2 awm belh leh
Nimin khan Serchhip District-a Khawlailung leh Sialsir khua ah African Swine Fever (ASF) vangin Vawk pakhat ve ve a thi leh a, heng te nen hian Serchhip District-a khaw 35-ah ASF vang hian Vawk 3820 a ni tawh a ni. Nimin-ah Serchhip District-ah Vawk suat a awm belh lo thung a, nimin thlenga Vawk suat tawh chu 3040 a ni bawk.
Hri kai thar 68 leh dam thar 106 awm belh
Nimin khan Serchhip District-ah COVID-19 hri kai mi 68 zet hmuh belh leh an ni a, hri kai te zingah mi 106 zet enkawl dam an awm thung.
Mizoram-ah hri kai 737 hmuh belh leh an ni
Niminpiah khan Mizoram-ah Sample 7833 enfiah niin heng atang hian COVID-19 hri kai 737 hmuh leh an ni a, Sample enfiah atanga za zela 9.40 te chuan hri an kai a ni.
Sawrkar laipui mi pawimawh te hnenah thlen
Mizoram sawrkar aiawh MP leh MLA bakah sawrkar mi pawi-mawh te chuan niminpiah khan sawrkar laipui-a Secretary thenkhat te an kawm.
MSU in Zirlaite hnenah Smartphone an sem
Mizo Student Union (MSU) Regional Hqrs. Lunglei chuan BPL leh AAY zirlai naupang te hnenah nimin khan a thlawnin Smartphone an sem.
Luidung nungcha man phalloh hun hmang mek
Mizoram sawrkar chuan October 10, 2021 atanga December 18, 2021 chhung hi Luidung Nungchate Man Phalloh Hun (Closed Season) atan a puang mek.
C&I Minister hovin sawiho
Mizoram-a tualtah puan (Handloom), Them thil siam (Handicrafts) leh mau hmanga thil siam-chhuah chungchangah thil kalpui mek leh hmalakna thar awm thei te sawiho chu nimin khan Commerce & Industries Minister Dr. R. Lalthangliana hovin neih a ni.
MNF Diamond Jubilee lawmna kum khat chhung awh tur neih tan a ni
Mizo National Front (MNF) kum 60 tlinna, Diamond Jubilee lawmna chu nimin khan Aizawl-a Vanapa Hall-ah neih a ni a, he hunah hian MNF President Zoramthanga chuan ‘Ni tha lo atan MNF sawrkar hi ruat a ni’ tih chu a dik tih a sawi.
Sawrkar rilru tereuhte nei kan hrawn - Lalsawta
MPCC Vice President Lalsawta chuan Hawrawp te-a ziak niawm taka sawrkar rilru tereuhte nei MNF sawrkar kan hrawn mek niin a sawi.
Health Minister hovin State-Level Expert Committee on COVID-19 Management ten thutkhawm an nei
State-Level Expert Committee on COVID-19 Management chu nimin khan Health Minister Dr. R. Lalthangliana hova thukhawmin an hmalakna kal mek leh hmalak belh ngai te an sawiho a. COVID-19 hri kai inringhlelte leh symptom neite tan rang taka sample test na hmun an pan vat vat a pawimawh thu tarlan a ni.
Hri kai mi 62 hmuh belh leh
Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.
Vawk khuahkhirhna chhuah
Serchhip District-ah African Swine Fever (ASF) avanga Vawk thi ala awm belh mek laiin Serchhip District Magistrate Kumar Abhishek IAS chuan Section 144 of Cr.PC 1973-in thu-neihna a pek angin ram dang (foreign countries) leh State thenawm atangin Vawk, Vawksa leh Vawksa atanga thil siam reng reng lakluh khap a nih thu thuchhuah siamin a tarlang a. Hei bakah hian Mizoram chhung District dang atanga Vawk lakluh leh thawnchhuah khap tlat niin Serchhip District chhunga khawdang atanga Vawk lalut tur ten VC Hriatpuina lehkha leh Veterinary Health Certificate, an mahni bialtu Veterinary Technical Staff hnen atangin an nei ngei tur a ni tih a tarlang a. Vawk talhtuten Vawk hrisel tha chauh an talh thin tur a nih thu leh Vawk damlo hralh loh tur a nih thu te a tarlang bawk. He thupek hi Oct. 20, 2021 atanga thla hnih (2) chhung huam tur a ni ang.
ASF vangin Vawk thih belh leh
ASF hri leng mek avangin nimin khan New Serchhip-ah Vawk thi pakhat a awm belh leh a, hei bakah hian Sialsir-ah Vawk 4 thiin Khawlailung-ah 3 a thi bawk. Heti hian ASF vangin Ser-chhip District-ah Vawk 3818 thi tawhin nimin khan New Serchhip-ah Vawk pakhat leh Thentlang-ah Vawk pahnih suat leh a ni bawk.
TKP ten thisen an pe
Serchhip Blood Bank-a dah turin BCM Kohhran-a Thalai Kristian Pawl (TKP) Serchhip Unit te chuan nimin khan thisen Unit 15 an pe a, thisen petute hi mipa 10 leh Hmeichhia 5 an ni. Tunhnaiah Serchhip Blood Bank-ah hian thisen dahkhawl sa a tam leh tawhlo nia thudawn a ni bawk.
Hmun khuahkhirh bik puang
Tunhnaiah COVID-19 hri kai hmuhchhuah an la pun zel avangin Serchhip District Bawrhsap Kumar Abhishek chuan nimin (Oct. 21, 2021) tlai dar 5:00 atang khan New Serchhip North VC Area-a Bazar Branch YMA area, Kudam kawn atanga Damkawi (Sihphir Veng) inkar leh New Serchhip South VC Area-a Venglai, H. Lalkhuahluna In atanga Lalmari te In inkar (Pioneer Camp hlui hnunglam, UPCI Biak In atanga hmar lam) chu Hmun khuahkhrih bik, Restricted Area-ah a puang a. Restricted Area-a cheng te chu inkharkhip vek tura hriattir niin Dawr nei te pawh hawn phal a ni lo bawk.
Women's Rights chungchang inhrilhhriatna nei
Nimin khan Govt. Serchhip College-ah ‘State Level Campaign on Women's Rights’ chu neih a ni.
Serchhip District Sports Committee in an kuta Sports Stadium dah turin sawrkar an phut
Serchhip District Sports Committee (SDSC) chuan Serchhip Sports Complex-a Stadium chu mumal taka enkawl thuai a nih theih nan SDSC kutah a enkawlna hna leh thuneihna pe tura sawrkar ngenin, October 22, 2021 thlenga chhanna an hmu lo a nih chuan Sports Complex ramchhunga Stadium enkawl hna hi a tul angin hmalaka kalpui an tum thu an sawi.
India ram-a Police an Duty laia hmelma kut-a thi te zahna leh chawimawina hun hman a ni
India rama Police an Duty laia hmelma te kut tuara boral te hriatrengna leh zahna hlanna ni, Police Commemoration Day chu nimin khan rampumah hman a ni a, Serchhip-ah pawh he ni pual hian Serchhip SP Conference Hall-ah SP, Stephen Lalrinawma hovin hun hman a ni.
Home Minister in Lunglei a tlawh
Home Minister Lalchamliana chuan nimin khan Lunglei SP Office leh Taxation Department Quarters sak mek te a tlawh.
Mizoram-ah hri kai hmuhchhuah tlahniam zel
Mizoram-ah COVID-19 hri kai hmuhchhuah an tlahniam hret hret ve zel a, niminpiah khan Sample 8264 enfiah niin heng atang hian hri kai mi 741 hmuh niin Sample enfiah atanga za zela 8.97 te chuan hri an kai a ni.
Economic Census vawi 7-na chungchang thlirho
Economic Census vawi 7-na buaipui tura din State Level Co-ordination Committee (SLCC) chu nimin khan Chief Secretary Lalnunmawia Chuaungo hovin an thukhawm.
Mizoram-a COVID-19 hri leng mek dinhmun thlirho
Nimin khan Health Minister Dr. R. Lalthangliana hovin Mizoram a COVID-19 dinhmun sawiho a ni a, Mizoram-a COVID-19 hri kai thar an tlem tial tial tan ta nia lang chu hmasawnna lawmawm tak a nih thu tarlan a ni.
Mizoram-ah PPE Suit 45,850 thui a ni tawh
State Executive Committee thuchhuak angin Lockdown vanga eizawnna bahlah puanthui te chhawmdawl nan Mizoram Commerce & Industries Department hmalakna in Mizoram hmun hrang hranga puanthui ten PPE suit 45,850 an thui chhuak tawh.
Hmun khuahkhirh bikah puang
Serchhip District Bawrhsap Kumar Abhishek IAS chuan COVID-19 hri leng mekah tunhnaia hri kai hmuhchhuah tamna, Chhingchhip Mualpui, Chhingchhip Venghlun, Keitum, Khawbel, Then-zawl Vengthlang, Thenzawl Vengthar leh Thenzawl Venghlun te chu nimin tlai dar 5:00 atang khan Hmun khuahkhirh bik (Restricted Area)-ah a puang thar.
COVID-19 hri kai boral
Nizan dar 7:00 khan M. Lalrozama (53) h/o Biakkimi, Serchhip Ramthlun Veng chu ZMC-ah a boral a, Vawiin ah vuiliam a ni ang. M. Lalrozama hi natna hrang hrang neisa niin tun thla ni 6 khan COVID-19 a kai tih hmuhchhuah a ni a, Oct. 8-ah ZMC-ah admit niin nizan khan a boral ta a ni. Amah hi PCR H/S-a thawklai a ni.
Hri kai 3600 aiin tam tawh
Serchhip District-a COVID-19 hri kai hmuh chu 3600 aiin an tam tawh a, nimin khan hri kai te zingah mi 96 zet enkawl dam an awm bawk.
Vawk thi 2 awm belh leh
Serchhip District-a Vawk natna, African Swine Fever (ASF) leng mek chuan ziaawm lam pan tawh viau mah se Vawk thi erawh ala awm zel a, nimin khan Sialsir khua ah Vawk pahnih thi ve lehin heng te nen hian Sialsir-ah Vawk thi chu 30 a tling tawh a, Serchhip District-a ASF vanga Vawk thi pawh 3810 a tling tawh bawk a ni. Nimin vek khan Thentlang khua ah Vawk pahnih suat ve leh ni bawkin heng te nen hian Serchhip District-a ASF hri lenna hmuna Vawk suat chu 3039 a tling tawh bawk a ni.
Vawiin-ah Police Commemoration Day hmang dawn
Rampum-a Police an duty laia-a boral te sunna ni, Police Commemoration Day chu Vawiin hian rampumah hman leh a ni dawn a, kumin hian nikum September 1 atanga kumin August 31 chhunga Police, an duty laia hmelma kut-a thi mi 377 te sunna hun hman leh a ni ang. Kumin chhung hian vanneihthlak takin Mizoram Police zingah duty laia hmelma kut-a thi an awm lo a ni. Serchhip-ah pawh Police Commemoration Day pual hian vawiin chawhma dar 10:00 hian Serchhip SP Office Complex-ah hun hman a ni dawn a ni.
Serchhip District in COVID-19 hri kai enkawllai tam lamah pathumna dinhmun a luah mek
Serchhip District Bawrhsap leh District Disaster Management Authority (DDMA) Chairman, Kumar Abhishek IAS chuan Serchhip District chu Mizoram District zingah COVID-19 hri kai enkawllai tam lamah pathumna a ni mek tih sawiin, hei vang hian mipui ten Mask hman kan ngaih pawimawh a tul thu a sawi.
Serchhip District-a COVID-19 Vaccine la thei zingah 2218 ten an la la lo nia hriat a ni
Serchhip District-a COVID-19 vaccine la thei zingah mi 2218 te chuan vaccine hi an la la lo nia hriat niin Vaccine la thei zinga za zela 87.6 te chuan vaccine Dose 1-na an la tawh nia chhinchhiah a ni.
Mizoram-ah Zirna In zaa 22.66 hawn a ni tawh
Mizoram chhunga COVID-19 hri hluar lohna hmunah a te zirna In hrang hrang hawn a ni tawh a, tun dinhmunah zirna In zaa 22.66 hawn a ni tawh.
Tuirial Bial-ah ngawrh takin Campaign mek zel
Tun thla ni 30-a Tuirial Bial Assembly bye-election neih tur atan Political Party te leh an Candidate te chuan ngawrh takin campaign an nei mek.
Hri kai inringhlel te Sample Test vat turin ti
State Referral Hospital, Falkawn-Zoram Medical College-a COVID Task Force hotute leh ZMC-a damlo enkawltute chuan hripui vanga nunna kan chan loh nan inringhlelte leh symptom neite chuan a rang thei ang bera sample an test vat vat a pawimawh thu an sawi.
Hri kai hmuhchhuah zat tlahniam chho mek zel
COVID-19 hri kai hmuhchhuah zat a tlahniam zel a, niminpiah khan Mizoram-ah Sample 5382 enfiah niin heng atang hian hri kai mi 665 hmuhchhuah an ni a, Sample enfiah atanga za zel a 12.36 te chuan hri an kai a ni.
Hri kai 71 hmuh belh leh
Nimin khan Serchhip District-ah COVID-19 hri kai mi 71 zet hmuhchhuah belh leh awmin hri kai enkawl dam mi 7 an awm bawk.
Vawk thi 3808 tling tawh
Nimin thleng khan Serchhip District-ah Vawk hri leng mek African Swine Fever (ASF) vangin Vawk 3808 a thi tawh.
Hri kai 47 hmuh belh leh
Nimin khan Serchhip District-ah COVID-19 hri kai mi 47 zet hmuhchhuah belh leh awmin hri kai enkawl dam mi 7 an awm thung.
TrueNat khawl-ah Sample enfiah theih dawn rihlo
Serchhip District Hospital-a COVID-19 hri kai leh kai loh enfiahna khawl, TrueNat Quattro RT-PCR (Mini RT-PCR) chu Servicing tih ti turin tunkar Ningani leh Zirtawpni khian Aizawl lam atangin mithiam te an rawn kal dawn nia thudawn niin, hei vang hian Vawiin bak hi True-Nat khawl-a en turin Serchhip-ah Sample lak a ni dawn rih lova. Hei vang hian inkaihhruaina hmanlai anga TrueNat Laboratory-a hri kai chhungte Sample enfiah tura lak thin pawh lak theih a ni dawn rih lova, hri kai hmuhchhuah chhungte chu ni 10-na ah Rapid Antigen Test hmangin an Sample hi enfiah zawk rih tur a ni ang. Serchhip District-ah hian TrueNat Laboratory-a Sample enfiah tura lak tawh zingah la enfiah loh engemaw zat a awm nia thudawn niin result chhuah har avanga harsatna thlen chang pawh a awm zeuh zeuh nia thudawn a ni.
Gas buk tlinglo man a ni
Nimin khan Serchhip-ah eirawngbawlna Gas buk tlinglo thahnem tak man niin Gas rawn phurtu Truck driver in a tlinlohna te pawisa-a a hnawhkhah avangin eirawngbawlna Gas hi sem chhunzawm a ni.
Serchhip SHQ YMA in raltlan tanpuina pe
Serchhip Sub-Hqrs. YMA chuan Myanmar atanga raltlante tanpuina leh chhawmdawlna tur an dawnkhawm hrang hrangte chu nimin khan Branch 9-ah an semchhuak.
Scho sem tur pek thuai beisei
Mizoram Scholarship Board (MSB) chuan sawrkar laipuiin inkaihhruaina thar a tihchhuah avangin Pre & Post Matric Scholarship sem tura hmalakna a khaihlak rih tih an sawi a, tunkar chhung hian sawrkar laipuiin Pre & Post Matric Scholarship 2020-21 la dawng lo te hnena pek tur pawisa a rawn pekchhuah an beisei tih an sawi bawk.
MBOCWWB hnuaia inziaklut zinga COVID-19 hri kai mi 211 te tanpuina pek an ni tawh
Mizoram Building and Other Construction Workers' Welfare Board (MBOCWWB) hnuaia inziaklut zinga COVID-19 vanga harsatna tawk mi 211 te chu 'COVID-19 Package' hnuaiah hamthatna pek an ni tawh.
COVID-19 hri kai In lama inenkawl dan tur kaihhruaina thar tihchhuah a ni ta
COVID-19 hri kai In lama inekawl turte tana inkaihhruaina thar State Level Expert Team on COVID-19 Management Team-in rawtna a thlen chu Mizoram sawrkarin pawmin tun thla ni 18-a Order tihchhuah a nih atangin he inkaihhruaina hi hman nghal tura tih a ni.
Restricted Area-ah puang
Tunhnaia COVID-19 hri kai hmuhchhuah tamna Keitum khua a hmun thenkhat chu hmun khuahkhrih bik, Restricted Area-ah puan a ni.
Zan lamah NH. 54 khar dawn
National Highway 54 kawng laih zauh leh siamthat hna thawh mekah Tlungvel leh Phul-mawi khaw inkar, Tlungvel Quarry chu lung halna leh khawl lian tak tak nena beih a ngai a, hei vang hian Vawiin, Oct. 19, 2021 atanga tanin ni 30 chhung chu zantin dar 11:00 atanga a tuk zing dar 05:00 thleng (darkar 6 chhung) NH.54 hi Tlungvel leh Phulmawi inkarah tlan theihloh in khar a ni dawn a. Hemi hunchhunga Aizawl atanga Serchhip pan tur leh Serchhip lam atanga Aizawl rawn pan turte chuan Khumtung - Paikhai - bypass kawng lama tlan tura hriattir leh ngen an ni.
Tanpuina semchhuak dawn
Serchhip Sub-Hqrs. YMA in Myanmar ram buaina avanga Mizoram-a raltlan te tana tanpuina leh chhawmdawlna a khawnkhawm te chu Vawiin hian raltlan awmna Branch hrang hrangah semchhuah a ni dawn a, tanpuina sem turte hian tukin dar 6:00 hian Serchhip chhuahsanin Tuichangral an pan dawn a ni. Ruahman lawk ang chuan tun tumah hian Serchhip Sub-Hqrs. YMA huam-chhunga Branch 5 leh Sub-Hqrs. YMA pawn lama Branch 4-ah pawisafai leh eitur bakah thawm-hnaw te semchhuah a ni ang.
ASF vangin Vawk 4 thi leh
Nimin khan African Swine Fever (ASF) vangin Serchhip District-ah Vawk thi pali lai awm belh lehin heng te hi Khawlailung khua ami te vek an ni a, Khawlailung-ah hian ASF vangin Vawk 33 zet a thi ve leh tawh a, tunhnaiah he khua ah hian ASF vanga Vawk thi hi a pung ve leh mek a ni. Nimin-a Vawk thi te nen hian Ser-chhip District-a ASF vanga Vawk thi chu 3805 a ni. Hetihlai hian nimin vek khan Thentlang khua ah Vawk 6 lai suat a ni ve leh thung a, heng te nen hian Serchhip District-a Vawk suat chu 3035 a tling ve ta bawk a ni.
Hri kai 79 hmuh belh leh
Serchhip District-a COVID-19 hri kai an la pung zel a, nimin khan hri kai mi 79 lai hmuh belh leh niin mi 89 zet enkawl dam an awm belh thung.
Khawpui fai inelna neih tura Serchhip District-a hmalak dan tur sawihona neih a ni
Mizoram khawpui fai inelna kalpui mek leh hemi hnua India ram State hrang hrangte Faina kawnga inelna kalpui tura Serchhip District leh Serchhip khawpui-a hmalak zui dan turte sawihona chu nimin khan Serchhip-ah neih a ni.
Pathianni-ah hri kai 249 hmuh belh leh an ni
Pathianni khan Mizoram-ah 2464 enfiah niin heng atang hian COVID-19 hri kai mi 249 hmuhchhuah an ni a, Samle enfiah atanga mi za zela 10.11 te chuan hri an kai a ni.
Lengpui Airport-ah Alliance Air service tan
Nimin atang khan Alliance Air chu Mizoram-ah Service tanin Aizawl, Shillong, Guwahati leh Kolkata te a thlunzawm dawn a ni.
National Deworming Day hawnna neih a ni
National Deworming Day, 2021 chu nimin khan Health Minister Dr. R. Lalthangliana chuan Internet kaltlangin a hawng.
All Mask Campaign kalpui chhunzawm dawn
Health Minister Dr. R. Lalthangliana chuan Hmai tuamna vuah tura beihpuithlakna ‘All Mask Campaign’ hman lai mek chu tun thla tawp thlenga kalpui tura pawhsei a nih thu nimin khan a sawi.
Bye-election neih tura dan bawhchhiatna ah MPF ten Kolasib DEO-ah complaint an thehlut
Mizoram People Forum (MPF) General Hqrs. hruaitute chuan Tuirial Bial-a Assembly bye-election neih turah Party hrang hrang ten Dan (Model Code of Conducts) an bawhchhia nia sawiin, nimin khan Kolasib District Election Officer hnenah complaint an thehlut.
Hri kai leh dam awm belh zel
Nimin khan Serchhip District-a COVID-19 hri kai mi 30 hmuh belh leh niin hri kai mi 18 te enkawl dam an ni thung.
BJP in 4C-ah thilpek hlan
BJP Mizoram Pradesh hmalakna in Inrinni khan BJP Serchhip District te chuan an President Zadingliana hovin Serchhip-a COVID-19 hri kai te enkawlna hmun, Community COVID Care Centre (4C)-ah hri kai te mamawh tur dahkhawmna, Health & Hygiene Kits chu VLTF te hnenah an hlan a, Health and Hygiene Kits-ah hian Covid vei te enkawlna tur pawimawh hrang hrang ni 10 chhung daih, WHO in a pawmpui te a awm a ni.
Hri kai thar tlahniam zel; Dam nuai khat aiin tam
Mizoram-ah COVID-19 hri kai hmuhchhuah pung zel mah se nitin-a hri kai hmuhchhuah erawh an tlahniam ve hret hret niin a lang a. hri kai enkawl dam pawh mi nuai khat aiin an tam tawh bawk.
YMA in thisen Unit 19 pe
Serchhip Kawnpui North Branch YMA te chuan Inrinni khan Serchhip Blood Bank-a dah turin thisen Unit 19 an pe a, thisen petute hi Mipa 13 leh Hmeichhia 6 niin heng mi tlawmngai te hi Blood Bank-ah kalin thisen hi an pe a ni.
Vawk thi 3800 aiin tam ta
Serchhip District-a Vawk hri leng African Swine Fever (ASF) vanga Vawk thi chu 3800 aiin a tam tawh.
World Skills Competition-a tel turte thlahna nei
Themthiamna hmanga intihsiakna lian ber, Sanghai, China-a 'World Skills Competition 2022' neih tura India aiawh tur thlanna kal zelah Regional Competition-a tel tur Mizoram thalai 15-te chuan Inrinni khan Mizoram an chhuahsan.
District Sports Committee kalphung tur duhlo
District hrang hranga District Sports Association hruaitute chuan Mizoram sawrkarin District Sports Committee Chairman atan DC leh Secretary atan District Sports & Youth Officer dah a tum chu Sports hmasawn zel tur tih thuanawpna nia ngaiin an duh lo tih an sawi.
Hri danna pek hna thawk zel
COVID-19 Vaccine pek hna kalpui mek zelah pawn-a chhuak theilo te pawh hri danna pe vek turin hmalak mek a ni.
COVID-19 vanga thi te ralna pekchhuah thuai beisei niin Ex-Gratia erawh a tlai hret dawn
Supreme Court thupek anga COVID-19 vanga thi te ralna sum chu Mizoram sawrkar chuan pek chhuah thuai a tum.
MAHFED sum hman dan a felhlel niin hria
ZPM Party chuan Mizoram State Agriculture/Horticulture/Forestry & Marketing Cooperative Federation Ltd. (MAHFED) hmalak dan leh an sum hman danah thil felhlel tam tak a awm nia a lan thu an sawi.
Party ten Election dan leh thuthlung bawhchhiat vangin Election thuneitu lamah MPF an zualko dawn
Mizoram People Forum (MPF) General Hqrs. chuan October 30, 2021-a Tuirial Assembly Constituency bye-election lo awm turah an thu dawn te leh Social Media lama Video darh te avangin Election Commission of India (ECI) thlenga zualko an tum a, an hmalakna hmasa ber atan Mizoram Election thuneitu te hnenah ziakin an thlen dawn.
Inkaihhruaina hman zui tur
Serchhip District Bawrhsap Kumar Abhishek chuan nimin khan thupek tichhuakin COVID-19 hri leng hluar zel laka mipuite him theihna tura tun thla ni 2-a inkaihhruaina thupek lo tihchhuah tawh chu Oct. 17, 2021 atanga Oct. 30, 2021 zanlai dar 12:00 thleng Serchhip District-ah hman chhunzawm tur a nih thu a tarlang.
Serchhip District Cricket League tan
Serchhip District Cricket League 2021 chu nimin khan DC Playground, Khawtetlang-ah khelh tan a ni ta.
Vawk thi 11 awm belh leh
Nimin khan Serchhip District-ah African Swine Fever (ASF) vangin Vawk thi 11 lai a awm belh leh a, heng zinga 8 te hi Baktawng khua ami te niin Chhuanthar Tlangnuam, Khawlailung leh Sialsir-ah Vawk pakhat theuh a thi bawk. Heng te nen hian Serchhip District-a ASF hri lenna khaw 35-a Vawk thi chu 3795 zet a ni ta a, Vawk 3028 suat a ni tawh bawk a ni.
Adviser to CM in tlawh
Adviser to Chief Minister C. Lalramzauva chuan nimin khan Serchhip rawn tlawhin DC Playground, Khawtetlang-a Sports & Youth Service Department hnuaia Pavilion leh Toilet chei that dan tur a hmunah a en a, hmalak zui zel dan turte a en bawk. Adviser to Chief Minister hi Sports &Youth Service Department-a Deputy Director Vanlalrova chuan a rawn tawiawm a ni.
Covid-a thi tan Kuang siam
Serchhip Sub-Hqrs. YMA chuan nimin khan hnatlang neiin Serchhip-a COVID-19 hri kai enkawl zinga boralte hman tur Kuang an siam.
Ruihhlo ngai pual Camping
Presbyterian Serchhip Hmar Veng Kohhran te chuan tunlai hian Ruihhlo ngai te pualin Chhandamna Camping an buatsaih mek.
Serchhip Sub-Hqrs. YMA in Khawbel tanpui
Tunhnaia COVID-19 hri kai tam tham tak hmuhna Khawbel khua hnenah Serchhip Sub-Hqrs. YMA chuan nimin, Oct. 15, 2021 khan chawhmeh chi hrang hrang thahnem tak an pe.
TT-ah Serchhip District 2-na
Mizoram State Table Tennis Men's & Youth Single Championship vawi 36-na chu tun thla ni 14 leh 15 khan neih niin Serchhip District chu pahnihna an ni a, Aizawl District chu pakhatna an ni thung. He inelna ah hian Serchhip District hian Bronze Medal 4 lain Youth Boys Single (Under-19)-ah Lalruatmawia leh K. Lalnunhlua ten Bronze Medal hi an la a. Youth Girls Single-ah Lal-hruaitluangi chuan Bronze Medal la bawkin Women's Single-ah Lalhriatzuali chuan Bronze Medal a la bawk. Hei bakah hian R. Lalzuiliana chu Mens Single-ah 4-na a ni bawk.
Mizoram-ah COVID-19 hri kai 901 hmuh belh leh
Niminpiah khan Mizoram-ah Sample 6945 enfiah niin heng atang hian hri kai 901 hmuhchhuah an ni a, Sample enfiah zawng zawng atanga chhutin za zela 12.97 te chuan hri an kai a ni.
Women Helpline Mizoram in call dawng tam tawh
Aizawl Upper Khatla-a Women Helpline Mizoram (WHL) Office chuan hawn a nih atangin Call vawi 9098 dawng tawhin Women Help Line pantu tam ber te chu inchhungkhur-a hleilenna kaihhnawiha harsatna tawk an ni.
Congress Party huaihawtin Aizawl-ah ‘Dikna tungding tura beihna’ hun hman a ni
Congress Party huaihawtin nimin, Oct. 15, 2021 khan Aizawl-a Vanapa Hall kawt-ah Zoramthanga Corruption case chungchanga Dikna tungding tura beihna hun hman a ni.
P&E Minister in Sihmui-a Refugee Relief Camp a hmunah tlawhin an dinhmun a enfiah
P&E Department changtu Minister R. Lalzirliana chuan Sihhmui Refugee Relief Camp chu nimin zing khan tlawhin Camp leh a chhehvel chhit enna tura ama sum hmanga a lei, Solar Home Lighting Set 4 a pe a, Aizawl DC chuan Humanitarian Relief atan a tul ang anga hman tur pawisafai chu VCP hnenah a hlan bawk.
COVID-19 hri danna la thei chin zawng ten hri danna la vek turin Serchhip CMO in a sawm
Serchhip District Chief Medical Officer Dr. Laldawngliana Sailo chuan COVID-19 chu theihtawp chhuaha kan do chung pawha kan do hnehloh a ni tih sawiin, chumi dona hmanraw pawimawh tak chu hri danna laka ni tih a sawi a, hri danna la thei chin te chu la vek turin a sawm bawk.
MPF leh Candidate ten inkawmna hun an nei
October 30, 2021-a Tuirial bial bye-election lo awm tura party hrang hrang candidate te leh Mizoram People Forum (MPF) Gen. Hqrs hruaitute chuan nimin khan inkawmna an nei.
District Bawrhsap in tlawh
UD&PA Department ten Chhiahtlang dai a bawlhhlawh sawngbawlna hmun, Solid Waste Management Centre tur an buatsaih mek chu nimin tlai khan Serchhip District Bawrhsap Kumar Abhishek IAS chuan a hmunah a tlawh a, helai hmun hi Rs. 5,30,000/- a lei fel ni tawhin a panna kawng laih a ni tawh a, bawlhhlawh tawih thei leh tawih thei lo bakah Plastic thliar hranna tur siam a ni dawn a ni. Helai hmunah hian Plastic her sawmna khawl, Plastic Shredder pawh bun tum niin CSR Fund atangin dawn a ni tawh a ni.
Vawk thi 3 awm belh leh
Serchhip District-ah African Swine Fever (ASF) vanga Vawk thi ala awm belh zel a, nimin khan Sialsir-ah Vawk pahnih thiin Khawlailung ah Vawk thi pakhat a awm leh bawk a ni. Heng te nen hian nimin thleng khan Serchhip District ah ASF vangin Vawk 3784 zet a thi tawh a, nimin ah Vawk suat awm belh lovin ASF hri lenna a Vawk suat chu 3028 a awm tawh bawk a ni.
Hri kai 59 hmuh belh leh
Nimin khan Serchhip District-ah COVID-19 hri kai mi 59 hmuh belh niin hri kai zingah mi 82 enkawl dam an ni thung.
World Sight Day hmang
Nimin Oct. 14, 2021 khan khawvel pumah 'World Sight Day' vawi 22-na hman a ni a, he ni-ah hian thupui atan 'Love your Eyes' tih chu hman a ni. Hri leng avanga he ni pual hian hun hman hleih theih a nih loh avangin Serchhip-ah chuan Serchhip OPD-ah Mit BP sang, Glaucoma Screening neih a ni a, he hunah hian F. Laldin-puia, Ophthamic Assistant chuan kum 45 chunglam te Mit a en sak a ni. Mit BP sang Glaucoma hian Mit delna hial a thlen theih avangin kum lama upa te tan chuan a khat tawka Mit enfiah reng a pawimawh thu mithiamte chuan an sawi a ni.
Sub-Hqrs. YMA budget pass
Serchhip Sub-Hqrs. YMA hnuaia rorelna sang ber dawttu, Serchhip Sub-Hqrs. YMA Coordination Committee (SCC) thutkhawm chu nimin khan neih a ni.
SVEEP hmalakna in Serchhip-ah Football khel
Systematic Voters Education and Electoral Participation(SVEEP) hmalakna hnuaiah nimin khan Vote nei thar te leh Voter naupang zawkte tan Serchhip Sports Stadium-ah Football match buatsaih a ni.
Mizoram-ah hri kai hmuhchhuah an la pung zel
COVID-19 hri kai hmuhchhuah zat la tlahniam hlei thei lovin niminpiah khan Mizoram-ah Sample 8025 enfiah leh atangin hri kai mi 1028 hmuhchhuah an ni leh a, Sample enfiah atanga chhutin za zela 12.81 te chuan hri hi an kai a ni.
IGC, Luangmual-a Industry siamtute an mangang
Industrial Growth Centre (IGC), Luangmual-ah Dan lova ram nei leh ram inpek a pun zel avangin Industry siamtute an mangang nia thudawn a ni.
Jan Suwayi and Awareness Week hawng
State Level Mahatma Gandhi NREGA Social Audit, Jan Suwayi and Awareness Week chu nimin khan RD Minister Lalruatkima chuan Aizawl-a DRDA Conference Hall-ah a hawng.
AH&Vety Minister in hawng
AH&Vety Department Minister Dr. K. Beichhua chuan nimin khan Lunglei Farm Veng-a District Veterinary Hospital leh Lungpuizawl AH&Vety Farm-a Ar awp keuna leh Broiler Ar vulhna (Hatchery cum Poultry Farm) tur chu a hawng.
Vairengte-ah Mizoram Police Company khat dah tum niin cheng nuai 223 ruahman fel a ni tawh
Home Minister Lalchamliana chuan ramri venhim chu sawrkar thil ngaih pawimawh ber pakhat a nih avangin Vairengte-ah Mizoram Police Company khat dah tum a ni tih sawiin, hemi senso atan hian cheng nuai 223 pawh ruahman fel a nih tawh thu a sawi.
Serchhip District-ah hri kai an la pun belh zel
Nimin tlai thleng khan Serchhip District-a COVID-19 hri kai hmuhchhuah chu 3102 zet an tling tawh.
Gauhati High Court Addl. Judge atan lalut
Gauhati High Court Additional Judge atan Marli Vankung chu Guuhati High Court Chief Justice, Sudhanshu Dhulia chuan rinawmna thu tiam tirin nimin khan a lalut a, Marli Vankung hi Mizo hmeichhe zinga High Court Additional Judge hmasa ber a ni. Lakluh inkhawm hi nimin khan Aizawl Gauhati High Court-ah neih niin a rual hian mi 4, Advocate Kakheto Sema, Devashis Baruah, Arun Dev Choudhury leh Judicial Officer Malasri te chu Guwahati-ah lakluh an ni bawk. Marli Vankungi hi Mizoram Judicial Service (MJS) atanga hetiang dinhmun thleng thei hmasa ber a nih bakah Mizo hmeichhe zinga High Court Judge atana ruat hmasak ber a ni a, mipuite chu dikna leh rinawmna ngaina zel tura a duh thu a sawi a ni.
Mipui tan hlauhthawn tur a awmlo tih sawi
Mizoram State Health Care Society (MSHCS) Chief Executive Officer Dr. Biakthansangi chuan State Health Care Scheme hnuaiah Bill tang then rih mahse Bill thehlut tawh ten an hmu ngei dawn a, hlauhthawnna tur a awmlo, a ti.
Mat phai-a Scooty chesual-ah mi pakhat boral
Nizan hmasa zantir lam khan C. Lalduhawma (59), Serchhip Darnam Veng chu Serchhip Mat phai panna kawng-ah Scooty chetsualna avangin a boral.
Raltlan te tanpuina pe
Tunhnaia Myanmar ram-a buaina thleng avanga Mizoram-a raltlan rawn lut te tanpuina atan Unity Church (Lalchhungkua tia hriat thin) Mizoram Hqrs. chuan nimin khan Serchhip Sub-Hqrs. YMA te hnenah Rs. 20,000/- an hlan.
Vawk thi 9 awm belh leh
Nimin khan Serchhip District-ah African Swine Fever (ASF) vanga Vawk thi 9 lai a awm belh leh a, heng te hi Sialsir khua ah 6 leh Then-tlang-ah pathum niin Thentlang-ah hian ASF vang hian Vawk 24 a thi tawh a, Sialsir-ah pawh Vawk 22 lai a thi tawh bawk a. Serchhip District-a ASF vanga Vawk thi chu 3780 a tling ta a ni. Nimin lamah Vawk suat belh awm lovin Ser-chhip District pumah Vawk 3028 suat a ni tawh bawk a ni.
Office hawng dawn rihlo
Serchhip-a District Information & Public Relations Office-a thawktu pakhat chuan nimin khan COVID-19 hri a kai tih hmuhchhuah a nih avangin Serchhip District Deputy Commissioner remtihna in tunkar chhung chu DIPRO Office hi Work from Home rih tura ruahmanna siam a ni a, hei hi Office dawrtute tana fimkhur thil-a ruahman niin harsatna dang a awm loh chuan karleh lam atangin dan pangngaiin Pisa hi hawn leh tur a ni ang. Nimin vek khan I&PR Office-a thawktu thenkhat te hi an Sample enfiah niin hri kai hmuh belh erawh an awmlo thung.
AR in Cycle Rally buatsaih
India ram in zalenna a hmun kum 75-na lawmna Azadi Ka Amrit Mahotsav denchhenin nimin khan 8th Assam Rifle te chuan Serchhip-ah Cycle Rally an buatsaih. Serchhip-a hmunpui nei 8th Assam Rifles te buatsaih Azadi Ka Amrit Mahotsav Cycle Rally hi nimin zing dar 7:30 khan Assam Rifles Gate No. 2 atanga neih niin AOC Veng ah kualin IOC Veng-a Petpol Pump thleng Rally hi neih a ni a, he Rally-ah hian Assam Rifles mi 10 bakah Civil mi pahnih te telin Rally an neih thui zawng hi Km 2.5 vel a ni.
Boxer Lalbuatsaihi chawimawina hlan
Mizoram Boxing Association (MIZBA) buatsaihin Asian Elite Men & Women Boxing Championship 2021-a Silver Medal dawngtu Lalbuatsaihi chawimawina hun chu nimin khan Aijal Club-ah neih a ni a, he hun hi Sports Minister Robert Romawia Royte chuan hmanpuiin Lalbuatsaihi hi Mizoram Sawrkar chuan lawmpuina cheng nuai nga (5) pek a tum thu a sawi. Lalbuatsaihi hian kum 2005 atanga Boxing khel tanin State Level-ah Gold Medal 25 a la tawh a. North East Level-ah Gold 1, Silver 2 leh Bronze 3 a la tawh a. National Level-ah Gold 1, Silver 1 leh Bronze 3 lain heng bakah hian inelna dangah Medal engemaw zat a la tawh bawk.
Mizoram-ah hri kai hmuhchhuah belh zel an ni
Mizoram-ah COVID-19 hri kai hmuhchhuah belh an la ni zel a, niminpiah khan Mizoram-ah Sample 8721 enfiah niin heng atang hian COVID-19 hri kai mi 1224 hmuh belh leh an ni.
Hunpui-a halpuah leh halmawi khapna chungchanga mipui zirtir dan tur sawihona nei
Mizoram sawrkar-a Information & Public Relations Department-a Officer leh MJA General Hqrs. OB te chuan kumin hunpui vuakvet-a halpuah, halmawi, silailem mu nei chi leh Sky Lantern khapna chungchanga mipuite zirtir dan tur chungchang leh hemi kawnga hmalak dan tur nimin khan an sawiho.
Tuirial bial-ah inthlan Campaign kalpui mek a ni
Tuirial bial-a Assembly bye-election neih tur atan Political party hrang hrang leh an Candidate te chuan ngawrh takin Campaign an nei mek.
Tuirial bial bye-election ah Candidate 4 awm; CEO in NGO te inbuatsaihna a hrilhfiah
Tun thla ni 30-a Tuirial bial Assembly bye-election neih turah Candidate pali (4) an awm dawn ta a, Mizoram Chief Electoral Officer (CEO) chuan nimin khan NGO hrang hrangte kawmin he inthlanna neih tur atana inbuatsaihna te a hrilhfiah.
Rampawn atanga Vawk lakluh chungchangah Sawrkar thu lo ngaichang turin Vawkvulhtute chah
Mizoram-a Vawk hri leng, African Swine Fever (ASF) hmuhna hmasa ber, Lungsen khua chu nimin khan AH&Vety Minister Dr. K. Beichhua chuan tlawhin, Vawk vulh bul tan that lehna atana Vawk lakluh chungchang ah sawrkar thu lo ngaichang turin vawkvulhtute chu a chah.
Hrikai hmuhchhuah sang thum aiin an tam tawh
Serchhip District-a COVID-19 hri kai hmuh tawh zawng zawng chu mi sang thum aiin an tam ta a, hri kai enkawllai mi 581 an awm mek bawk.
COVID-19 hri kai boral
Nizan hmasa dar 9:45 khan Lalchuailovi (86), Serchhip Leisang Veng chu DCHC, Ser-chhip-ah boralin nimin khan vuiliam a ni. Thudawn danin Lalchuailovi hi tunhnai khan a chetsual palh avangin a ruh a tliak a, Serchhip damdawi In-a enkawl a nih hnuah Oct. 2, 2021 khan COVID-19 a kai tih hmuhchhuah a ni a, hemi ni vek hian DCHC Serchhip-ah hian dahluh nghal niin nizan hmasa khan a boral zui ta a ni. Lalchuailovi ruang hi lumen a nih hnuah nimin khan vuiliam a ni.
Chhungkaw 10 hnenah Vawk chaw channa khawl pe Serchhip-ah Ran chaw siamna peihfel tep a ni
AH&Vety Department leh FOCUS Serchhip District te hmalakna in Serchhip District-a Vawkpui vulh tur mi 10 te hnenah nimin khan Vawk chaw channa khawl sem niin Vawk chaw siam dan zirhona neih nghal a ni a. He hunah hian Serchhip District-a ran chaw siamchhuak tura hmalakna kal mek chu peihfel tep a nih thu tarlan a ni.
ASF vangin Vawk 2 thi leh
Nimin khan Serchhip District-a khaw pahnih ah African Swine Fever (ASF) vangin Vawk thi pahnih a awm leh a, heng te hi Khawlailung leh Sialsir khua ah pakhat ve ve niin heng te nen hian Serchhip District-a ASF vanga Vawk thi chu 3772 a tling tawh a, nimin-ah Vawk suat a awm belh lo thung a ni. Serchhip District-ah hian ASF vangin khaw 35-ah Vawk a thi tawh a, Vawk thi leh suat tamna ber Thenzawl khua ah chuan 921 zet thi tawhin Vawk 615 zet suat a ni tawh bawk a ni.
Bialtu MLA in hri kai hmuh tamna Khawbel a tlawh
Tunhnaiah Serchhip District-a Khawbel khua ah COVID-19 hri kai hmuhchhuah thahnem tak awmin nimin khan bialtu MLA leh Assembly Deputy Speaker Er. Lalrinawma chuan Khawbel khua hi a tlawh a, VC leh VLTF te nen inkawmna an nei.
Mizoram-ah hri kai 1430 zet hmuh belh leh an ni
Niminpiah khan Mizoram-ah Sample 9422 enfiah leh niin heng atang hian COVID-19 hri kai 1430 hmuhchhuah leh an ni a, Sample enfiah atanga za zela 15.81 te chuan hri an kai a ni.
Champhai-a RT-PCR khawl bun tur hlan fel a ni
UNICEF in ICMR kaltlanga Mizoram-a RT-PCR khawl a rawn pek chu District Hospital Champhai-a hman turin nimin zing khan Champhai South bialtu MLA leh Law Minister TJ. Lalnuntluanga chuan Champhai District Hospital hotute hnenah a hlan.
Kawng laih-a harsatna chungchang DC in sawipui
Seling atanga Champhai panna kawng, NH. 6 laih mekah mi thenkhat ten Puilo ram-a hnathawktute an hnathawh tihtawp tura an tih hnuah nimin khan Khawzawl DC CC. Lalchhuangkima chuan Puilo ram a Dhariwal Buildtech Limited (DBL) Camp-ah NHIDCL aiawh, Kawlkulh leh Dulte Joint Action Committee for NH-6 leh Dulte Economic Growth & Development Committee hruaitute a kawm.
Mizoram CEO leh Department of Post in MoU ziak
Electors Photo Identity Cards (EPICs) leh Election Notice-te Speed Post hmanga rang taka thawnchhuah a nih theih nan Chief Electoral Officer, Mizoram leh Department of Posts (DoP), Mizoram te chuan nimin khan thawhhona thuthlung an ziak.
Lirthei Accident thlen dan leh thlen chhan hriat theihna tur iRAD Project hawn a ni
Lirthei chetsualna a lo awm thulha chetsualna a lo thlen dan leh a thlen chhan te kimchang takin hriat theihna tur Integrated Road Accident Database (iRAD) Project chu chu nimin khan Home Minister Lalchamliana chuan a hawng.
Ran chaw channa sem dawn
Serchhip District-a AH&Vety Department leh FOCUS ten hma an lakna hnuaia Vawk vulh thlangtute hnenah Vawiin hian ran chaw channa khawl hlanna hun hman a ni dawn a, chawhnu lamah heng khawl dawngtute tan hian khawl hman dan leh ran chaw up that dan zirhona neih nghal a ni bawk ang.
ASF vangin Vawk 13 thi leh
Vawk hri leng, African Swine Fever (ASF) chu Serchhip District-a ziaawm chho viau mah se Vawk thi ala awm belh zel a, nimin khan khaw 4-ah Vawk thi 13 lai awm belh leh a ni. Nimin a ASF vanga Vawk thi 13 zinga 8 hi Sialsir khua ami te niin Chhuanthar Tlangnuam leh Khawlai-lung-ah Vawk pahnih ve ve a thi a, Thentlang khua ah Vawk thi pakhat a awm bawk a ni. Heti hian nimin thleng khan Serchhip District-a ASF vanga Vawk thi chu 3770 a tling tawh a ni.
World Mental Health Day pualin hun hmang
Niminpiah Oct. 10, 2021 kha ‘World Mental Health Day’ niin he ni hi Pathianni a nih avangin Serchhip-ah chuan Zirtawpni khan he ni pual hian hun hman a ni.
Hri kai 54 hmuh belh leh
Nimin khan Serchhip District-ah COVID-19 hri kai mi 54 hmuh belh niin hri kai mi 69 te enkawl dam an ni thung.
Hmeichhe nau piang te lawmpuina hlan
Nimin October 11, 2021-a International Girl Child Day lawmna chikhat atan Serchhip District District Hospital-a nau piang thar hmeichhia te hnenah lawmpui thilpek hlan a ni.
MPTA ten Serchhip tiamin Mizoram District pathum-ah raltlan tanpuina an sem
Mizoram Primary Teacher’s Association (MPTA) chuan nimin (Oct. 11, 2021) khan Mizoram-a District pathum ah Myanmar atanga Mizoram-a raltlante tanpuina atan pawisafai leh bungrua hlanin Serchhip-ah pawh Sub-Hqrs. YMA kutah cheng nuai khat leh bungrua thahnem tak hlan a ni.
Pathianni-ah hri kai 307 hmuh belh an ni
Pathianni khan Mizoram-ah Sample 1246 enfiah niin heng atang hian COVID-19 hri kai mi 307 hmuhchhuah an ni a, hri kai hmuhchhuah hi tlem mah se Sample enfiaha tanga chhut chuan za zela 24.64 in hri an kai a ni.
ZMC-ah khum 10 awmna ICU Ward thar hawn a ni
Dedicated COVID Hospital, Zoram Medical College (DCH-ZMC)-a khum 10 awmna Intensive Care Unit (ICU) Ward thar chu nimin khan Health Minister Dr. R. Lalthangliana chuan a hawng.
Halpuah leh halmawi lam chi khap bur a ni dawn
Krismas, Kumthar leh Puja lo thleng turah Halpuah, Halmawi, Silailem mu nei chi leh Sky Lantern te chu mihring hriselna atana thil pawi thei leh COVID-19 hri len lai phei chuan nghawng thalo tak nei thei a nih avangin khap leh a ni dawn.
MSU leh ZMC Staff leh Joining Report pe tur dang
Tun thla ni 4-a Staff Nurse mi 50 lak chung-changah thil fello a awm avangin Mizo Students’ Union (MSU) General Hqrs. chuan nimin khan ZMC Administrative Staff leh Joining Report pe turte a dang a. Sawrkarin chak zawka thil tisualtu zawnchhuah intiamna a neih avang leh Volunteer te tan duhsakna tha zawk a pek turte ngun taka ngaihtuah a nih hnuah nimin tlai dar 3:00 khan pungkhawm hi an tin thu MSU chuan an sawi.
Hri leng laka invenna atana Mask hman pawimawh zia inzirtirna ni 10 chhung kalpui a ni dawn
Mizoram pum-a Hmai tuamna vuah tura hmalakna runpui 'All Mask Campaign' kalpui tur chu nimin khan Health Minister, Dr. R. Lalthangliana chuan ZMC Central Library-ah a hawng a. 'All Mask Campaign' hi October 10, 2021 atanga October 20, 2021 chhungin kalpui a ni ang.
Boxing Hall-ah 4C buatsaih
New Serchhip South Village Council chuan New Serchhip-a Boxing Hall chu COVID-19 hri kai enkawlna, 4C atan an hmang dawn a, Inrinni khan hnatlang in a hmunhma hi buatsaih a ni.
Vawk thi 4 awm belh leh
Nimin khan Serchhip District-a Khawlailung khua ah African Swine Fever (ASF) vangin Vawk thi pali a awm leh a, Khawlailung-ah hian ASF vang hian Vawk 21 lai a thi tawh a ni. Nimin a Vawk thi nen hian Serchhip District-a ASF vanga Vawk thi chu 3757 a tling ta a, nimin lamah Vawk suat awm belh lovin Serchhip District-a ASF hri lenna hmuna Vawk suat tawh chu 3028 a ni.
Hri kai 2859 tling tawh
Serchhip District-a COVID-19 hri kai hmuh tawh chu nimin tlai thleng khan mi 2859 zet an tling tawh.
Presbytery Inkhawmpui zo
Chhimchhak Presbytery Inkhawmpui vawi 98-na chu nimin khan Bethel Kohhran, Serchhip P&E Veng-ah zawhfel a ni ta a, nimin khan Kohhran Upa atan mi 6 nemngheh niin Upa boral mi 6 sunna hun hman a ni bawk a, nakum-a Chhim-chhak Presbytery Inkhawmpui chu Chhiahtlang Kawn Veng Kohhran Biak In-ah neih a ni ang.
Mizoram-a hri kai hmuhchhuah tlahniam hret
Mizoram-a COVID-19 hri kai hmuhchhuah chu la tlahniam thei tak tak lo mah se tunhnai ni 4 chhungah erawh hri kai hmuh hi an tlahniam hret hret a, Inrinni-a Sample enfiah 6188 atangin hri kai mi 1170 hmuh leh an ni a, Sample enfiah atanga za zela 18.91 te chuan hri an kai a ni.
Special Polling Station-ah ECI thu la ngaichang
Tun thla ni 30-a Tuirial bial MLA bye-election lo awm turah Tripura-a tlanchhia Tuikuk te tan Special Polling Station siam anih dawn leh dawn loh a la hriat loh a, Election Department chuan ECI thu an nghak mek.
Mizoram Sawrkarin State pawn atanga kawlphetha leina man ba Vbc.47.21 a nei
Mizoram sawrkarin September 2021 thleng khan State pawn atanga kawlphetha leina man la pek loh cheng vbc. 47.21 zet a nei a. Hetihlai hian tun dinhmunah Small Hydel Project (SHP) leh Solar Plant hmun 10 a siam turin hmalakna kalpui mek a ni thung.
Multi Disciplinary Covid-19 Study Team ten Champhai District-an tlawh
Mizoram-a COVID-19 hripui darh mek zirchiang tura sawrkar laipuiin a rawn tirh, Multi Disciplinary COVID-19 Study Team te chuan Inrinni khan Champhai tlawhin COVID-19 hrileng dinhmun an zirchiang.
ASF hri leng in ziaawm lam pan hret hret
Vawk natna hlauhawm tak African Swine Fever (ASF) vanga Mizoram vawk thi chu 29,000 dawn an tling tawh a, hetihlai hian Vawk hri leng chuan ziaawm lam a pan hret hret thung.
Mizoram-ah kum 18 chunglam 88.51% ten COVID-19 vaccine Dose 1-na an la tawh
Mizoram-ah COVID-19 Vaccine la thei kum 18 chunglam awm zawng zawng atanga chhuta za zela 88.51 te chuan Vaccine Dose 1-na an la tawh a, tunah hian kum 18 chunglam leh hri danna la thei, pawn chhuak theilo te hri danna pe turin inbuatsaihna kalpui mek a ni.
Hri kai 69 hmuh leh an ni
Nimin khan Serchhip District-ah COVID-19 hri kai mi 69 hmuhchhuah belh leh niin mi 70 enkawl dam an ni thung.
Vawk thi 14 lai awm belh
Nimin khan Serchhip District-ah African Swine Fever (ASF) vangin Vawk thi 14 lai awm belh lehin ASF vanga Serchhip District-a Vawk thi pawh 3751 a tling tawh. Nimin a ASF vanga Vawk thi 14 zinga 7 te hi Thentlang khua ami niin Thentlang-ah hian ASF vangin Vawk 19 a thi ta a, Thentlang khua ah hian nimin vek khan Vawk 7 chu suat a ni leh bawk. Hei bakah hian Chhuanthar Tlangnuam-ah nimin khan Vawk 3 thi bawkin Chhingchhip leh Sailulak-ah Vawk pahnih ve ve a thi tawh bawk a ni.
Assam Rifles in thilpek hlan
Serchhip-a awm 8th Assam Rifles te chuan Serchhip-a Hnuchham chawmna pahnih Zoar Urban Deprived Children's Home leh Unity Orphanage Home te chu nimin khan tlawhin tanpuina an hlan a. Hri leng karah nu leh pa neilo hnuchham te hrehawm taka an awm biklohna turin hetiang hian hma an la tih Assam Rifles hotute chuan sawiin, naupang te rilru-ah inkiltawihna awm lova huaisen taka khawvel an hmachhawn theihna tura fuih thar chu an tum ber anih thu an sawi a ni. He hunah hian Ration bakah nitin khawsakna a an mamawh turte an hlan a ni.
BCM Bial Inkhawmpui nei
Baptist Church of Mizoram (BCM) chuan Bial rorel Inkhawm nei mekin Vawiin hian zawhfel a ni ang.
Chhimchhak Presbytery Inkhawmpui neih mek a ni
Serchhip District chhunga Presbytery lian ber, Chhimchhak Presbytery Inkhawmpui vawi 98-na chu nimin atang khan Serchhip Bethel Kohhran-ah neih a ni a, naktuk Pathianni thleng a awh ang.
Serchhip District Bawrhsap in Zawlpui phai tlawhin leilet neitute nen inkawmna an nei
Serchhip District Bawrhsap Kumar Abhishek IAS chuan nimin, October 8, 2021 tlai khan Serchhip bul Mat lui kam, Zawlpui zau-a Buh chingtute an leilet-ah tlawhin hma an sawn zel theihna tura an mamawhte a sawipui.
Serchhip-ah Faina Hapta kharna leh lawmman semna hun hman a ni
Tun thla ni 2 atanga Serchhip-a Faina Hapta (Cleanliness Week)-2021 hman chu nimin khan Serchhip DC’s Conference Hall-ah a kharna hun hmangin he Hapta hman chhunga inelna buatsaih a lawmman dawngtute hnenah lawmman hlanna neih a ni.
Ni khat-a hri kai hmuhchhuah la tlahniam theilo
Mizoram-ah COVID-19 hri kai hmuhchhuah zat ala tlahniam hlei thei lova, niminpiah khan Mizoram-ah Sample 8382 enfiah leh niin heng atang hian COVID-19 hri kai 1080 hmuhchhuah leh niin sample en atanga za zela 12.88 te chuan hri an kai a ni.
Mangaldoi (Assam)-a 3rd IR Sipai duty te tlawh
Mizoram sawrkar-a Human Resources Development Board Vice Chairman, L. Thangmawia MLA chuan Mizo 3rd IR Battalion Headquarters, Mangaldoi, Assam-a awm mek te chu nimin khan a tlawh.
Chite-a hmalakna tur Chief Minister in a tlawh
Chief Minister Zoramthanga chuan Chite-a sawrkar hmalakna thar - Convention Centre leh Aizawl Haat sak tumna hmun chu nimin zing khan a hmunah a tlawh.
MSCPCR in an chhui zui dawn thu an sawi
Mizoram State Commission for Protection of Child Rights chuan rawngbawltu James Lalramliana, thil duhawm lo tak tia puh a nih chungchang ah a tuartu naupang nia sawi nihna tilang thei tur leh a nihna chhuizawn theih tur tidarh an awma an hriat thu leh Commission-in a chhui zui tur thu a sawi.
Rod len zawng diklo lakluh khap turin sawrkar ngen
All Mizoram Cement & Iron Rod Dealers’ Association leh Mizoram Civil Engineers’ Association chuan Rod lenzawng diklo lakluh khap turin sawrkar an ngen tih an sawi.
Bye-Election chuh turin mi 4 in hming pelut
Tun thla ni 30-a Tuirial Bial Assembly bye-Election neih tur chuh tum te tana hming pekluh hun chu nimin khan khar niin inthlanna chuh tur hian mi 4 in Nomination Paper an thehlut a ni.
DFO thar rawn awm tawh
Serchhip bialtu Thenzawl Forest Division-a DFO, Margaret Lalramchhani IFS chu Kolasib-a sawn a nih hnuah Kawrthah-a DFO hna chelhtu Lalbiakchama Chawngthu chu Thenzawl DFO hna chelh tura tih niin a hna thar hi a rawn zawm tawh a ni. Hetihlai hian Serchhip District chhung North Vanlaiphai Division-a DFO, Jenny Sailo pawh Mamit-ah DFO hna chelh tura sawn niin a aiawh tur hian DFO (Protection) hna chelh lai C. Lalkhawthanga chu dah a ni bawk.
Serchhip OC vuiliam a ni
Serchhip Police Station-a Officer in-Charge (OC), Inspr. Lalthanpuii Hnamte chu nizan hmasa khan boralin nimin khan an chenna, Aizawl Republic Veng-ah vuiliam a ni. Kum 43-a upa Inspr. Lalthanpuii Hnamte hi niminpiah khan a chauh thut avangin Serchhip damdawi In panpui a nih hnuah Aizawl lamah phurhthlak nghal a ni a, amaherawh chu nizan hmasa dar 8:15 khan Ebenezer Hospital-ah Internal Bleeding vangin a boral zui ta a ni.
C&I Minister in Bazar tlawh
Nimin-a Serchhip-a rawn kal Commerce & Industry Department changtu Minister Dr. R. Lalthangliana chuan nimin khan Serchhip Bazar Building zauhna sak thar chu a hmunah a tlawh a, District Industry Centre-a Functional Manager leh Serchhip DIPRO bakah khawtlang hruaitute leh thuthar thehdarhtu ten an tawiawm a. He hunah hian Minister chuan Bazar-a thil zuartu ten inthiarna chungchanga harsatna an tawh te ngaihthlak sakin, Bazar enkawltu, thuneitu sang zawk Serchhip in a mamawh thu an lo thlen pawh hri leng avangin Post ruak hnawhkhah a harsat thu a sawi bawk a ni.
ASF vangin Vawk 3736 thi tawh
Serchhip District chhunga Sialsir khua ah nimin khan African Swine Fever (ASF) vangin Vawk pahnih a thi leh a, Sialsir khua ah hian ASF vangin Vawk 8 a thi ta a ni. Heti hian nimin thleng khan Serchhip District-a khaw 35-ah ASF vangin Vawk 3736 a thi tawh a ni.
Hri kai 57 hmuh belh leh
Nimin khan Serchhip District-ah COVID-19 hri kai mi 57 hmuh belh leh an ni a, hri kai mi 51 te enkawl dam an ni leh bawk.
Prime Minister in Serchhip-a Oxygen Plant bun thar hawngin Health Minister hovin lo zawm ve a ni
PM-CARES Fund atanga ramchhung hmun hrang hranga PSA Oxygen Plant bun thar 35 te chu nimin khan Prime Minister Narendra Modi chuan AIIMS Rishikesh, Uttarakhand atangin a hawng a, heng zingah hian Serchhip District Hospital-a bun pawh telin a hawnna hun hi Health Minister hovin District Hospital Complex-ah lo hmanpui a ni.
Mizoram-ah hri kai 1302 hmuh belh leh an ni
Niminpiah khan Mizoram-ah Sample 9749 enfiah ni lehin heng atang hian COVID-19 hri kai 1302 hmuh belh leh an ni a, Sample enfiah atanga za zela 13.35 te chuan hri an kai a ni.
Mizoram-ah Brahmaputra Board hma rawn la ve tura duh thu thlen
Mizoram-a lui hrang hrangte humhalh leh tangkai zawka hman kawngah Brahmaputra Board in hma rawn la ve se a duh thu L. Thangmawia MLA chuan a sawi.
Tha lehzuala Tam Dil enkawl turin hmalak a ni
Environment Forests & Climate Change Department changtu Minister TJ. Lalnuntluanga chuan tha lehzuala Tam Dil enkawl a nih theih nan leh mipuiin an hlawk pui zawk theih nan Integrate Management Plan buatsaih a nih thu a sawi.
Mizoram District hrang hrangah Oxygen siamchhuahna khawl a ruala hawn a ni
PM-CARES kaltlanga ramchhung State hrang hranga PSA Oxygen Plant hawn rualin nimin khan Mizoram-ah pawh District hrang hrangah Oxygen Plant hi hawn a ni.
Dan bawhchhia mi 2 man
Faina Hapta hman mek denchhenin nimin khan Vantlang hmun-a bawlhhlawh paih te ngaih-hnathiamna tel lova manna ni, No Tolerance Day for Open Waste disposal/Spitting tan hman a ni a, he hunah hian Serchhip khawpui chhunga Dan bawhchhia-a vantlang hmuna bawlhhlawh paih mi 2 man niin pawisa chawitir nghal an ni.
Oxygen Plant hawng dawn
Serchhip District Hospital-a PM-CARES hnuaia PSA Oxygen Plant bun thar chu Vawiin chawhma dar 10:00 hian Prime Minister Narendra Modi chuan biakhmuhtheihna hmangin a hawng dawn a, Serchhip District Hospital-ah he hun hi lo hman ve tur niin Health Minsiter Dr. R. Lalthangliana chu khuallian a ni dawn a ni. Vawiin-a PSA Oxygen Plant hawn a nih dawn avang hian Vawiin hian Serchhip District Hospital-a OPD chu khar a ni thung ang.
Serchhip District-ah hri kai 2655 an tling tawh
Serchhip District-ah COVID-19 hri kai thar leh enkawl dam an awm belh zel a, nimin thleng khan hri kai hmuhchhuah hi 2655 an tling tawh.
SBM (U) Ambassador te an hnathawh dan tur hrilhfiah
Serchhip District chhunga Swachh Bharat Mission (Urban) hnuaia Brand Ambassador tura ruat te chu nimin khan an hnathawh tur hrilhfiahna neih a ni.
Cheng nuai 90 senga Serchhip District Veterinary Hospital building sak thar hawn a ni
NABARD hnuaia Rural Infrastructure Development Fund (RIDF) sum cheng nuai 90 hmanga sak Serchhip District Veterinary Hospital building chu nimin khan AH & Vety Minister Dr. K. Beichhua chuan a hawng.
Mizoram-ah Hri kai mi nuai khat aiin an tam ta
Mizoram-a COVID-19 hri kai hmuhchhuah chu mi nuai khat aiin an tam ta.
Sailutar-a rawngbawltu James-a Police ten an man
Hun engemaw chen Sailutar khua-a rawng-bawl-a awm James Lalramliana chu hmeichhe kumtling lo laka mipat hmeichhiatna hmang lui-a puh a nih avangin Sailutar khua atanga hnawhchhuah niin nimin Darlawn Police ten Aizawl-ah an man.
Bru te paih turin ECI-ah thlen a ni tawh
Mizoram Chief Electoral Officer (CEO) P. Jawahar IAS chuan Bru voter, Tripura-a letleh ta, Mizorama Electoral Roll a la chuangte chu Roll atanga paih vek an nih theih nan ECI-ah thlen a nih tawh thu a sawi.
MSU-in Staff Nurse lak cancel turin CM-ah an thlen; ZPM Thalai ten Nurse lakna lehkha copy an hal
Mizo Students’ Union (MSU) chuan tunhnaia Contract basis-a Staff Nurse post 50 lakah thil fello a awm avangin cancel leh turin Chief Minister hnenah an thlen a. ZPM Thalai Hqrs. chuan ZMC-a Staff Nurse 50 lâk dàn duhlohna lantîr nân Staff Nurse lâkna lehkha chu nimin khan an hal bawk.
Faina hnatlang nei dawn
Faina Hapta hman mekah Vawiin hian rua-hman lawk angin khawchhung leh Vengchhung thenfai hnatlangpui neih a ni dawn a, No Tolerance Day hmangin, a hmun lova bawlhhlawh paih te manin pawisa chawitir an ni bawk ang.
Vawk thi la awm belh zel
Nimin khan Serchhip District-ah Vawk hri, African Swine Fever (ASF) vangin Vawk 8 lai a thi leh a, Chhingchhip-ah Vawk pathum thiin Chhuanthar Tlangnuam leh Thentlang-ah pahnih ve ve a thi a, Khawlailung-ah Vawk pakhat a thi leh bawk. Heti hian nimin thlenga ASF vanga Serchhip District-a Vawk thi chu 3731 a tling ta a ni. Nimin vek khan Baktawng leh Chhuanthar Tlangnuam-ah Vawk pali ve ve suat niin Chhing-chhip-ah Vawk pahnih suat a ni bawk a, nimin a Vawk suat 10 te nen hian Serchhip District-ah Vawk 3019 zet suat a ni tawh bawk a ni.
Hri kai 2600 aiin tam tawh
Serchhip District-a COVID-19 hri kai hmuh tawh chu mi 2600 aiin an tam ta.
Leng khua ODF Plus enfiah
Serchhip District chhunga Leng khua chu Open Defecation Free (ODF) Plus-ah inpuang in nimin khan Serchhip District Bawrhsap, Kumar Abhishek chuan a hmunah a enfiah.
Rajya Sabha MP in Model Village atana a thlan N. Mualcheng-ah Model Village hawn a ni
Sansad Adarsh Gram Yojana (SAGY) hnuaia Mizoram Rajya Sabha MP K. Vanlalvena'n Model Village atana a thlan, Mualcheng khua 'Model Village' atana hawnna chu nimin, Oct. 5, 2021 khan neih niin Serchhip District Bawrhsap Kumar Abhishek chuan Model Village hi a hawng a ni.
Fai turin retheih emaw hausak kher emaw a ngai lo - Fai kan tlin e
Fai turin retheih emaw hausak kher emaw a ngai lo - Fai kan tlin e - C. Ramengmawia
Volunteers Nurse lungawilo
Zoram Medical College (ZMC)-a Contract-a thawk tur Staff Nurse mi 50 lak thar zingah ZMC-a volunteer-a thawk mi 14 chauh an tel avangin Volunteer a thawkte chu lungawi lovin nimin khan hna an thawk lo.
Hri leng dona kawnga rawtna siam hrang hrang sawrkar in pawmin inkharkhip puan tawhloh rawt a ni
Health Secretray R. Lalramnghaka chuan, State Level Expert Team on COVID-19 Management Team chuan COVID-19 hrileng karah nunphung pangngai zawh zir a ngaih thu leh inkharkhip ang kalphung hi tih tawh loh ni se tia sawrkar-a an rawtna sawrkarin a pawmpui thu a sawi. Nimin-a I&PR Auditorium, Aizawl-a State Level Expert Team on COVID-19 Management-in an rawtna (recommendation) sawrkara an thehluh sawifiahna an neihah Health Secretary chuan State Level Expert Team on COVID-19 Management chuan Lockdown-in hripui a tihrem chuan loh avangin tul bik thil engemaw vang tak a awm a nih loh chuan inkharkhipna (Total Lockdown) puan tawh loh an rawt tih sawiin, an rawtna hi sawrkarin a pawm thu a sawi a. Mithiamte'n a an zirchianna atangte, India State dangte tihdan phung ngun taka zirna atang te, khawvel ram dangin an tihdan phung te ngun taka zirchianna behchhana Expert Team in sawrkar-a inkaihhruaina dan thar an siam chu thlenin pawm a ni tawh tih a sawi a. “Hripui leng avanga inkhuahk...
Hri kai mi 83 hmuh belh leh
Nimin khan Serchhip District-ah COVID-19 hri kai mi 83 zet hmuhchhuah leh niin hri kai mi 72 enkawl dam an ni thung.
ASF vangin Vawk thi leh
Serchhip District-ah African Swine Fever (ASF) vanga Vawk thi ala awm belh zel a, nimin khan New Serchhip-ah Vawk pakhat thi lehin Zote South-ah Vawk pahnih a thi leh bawk a, heng te nen hian Serchhip District-a ASF vanga Vawk thi chu 3722 a tling tawh a ni. Nimin khan ASF hri lenna hmuna puan tawh Sialsir khua ah Vawk pahnih suat leh niin tun thlengin ASF hri lenna khua ah Vawk 3000 suat a ni tawh bawk a ni. Hetihlai hian ASF hri lenna hmuna puan ni lo khaw dangah chuan Vawk thi leh suat hi an awm belh tawh rihlo a ni.
Ni 3 awh tur training tan
Serchhip District chhunga Village Council hrang hrangte tana buatsaih ni thum (3) chhung awh tur Village Disaster Management Committee din dan leh Plan siam dan tur chungchang zirhona chu nimin khan Serchhip DC Conference Hall-ah neih tan a ni.
Mizoram-ah hri kai leh enkawl dam pung zel
Pathianni khan Mizoram-ah Sample 1529 enfiah niin COVID-19 hri kai mi 443 hmuhchhuah a ni a, Sample enfiah atanga chhut chuan za zela 28.97 te chuan hri an kai a ni.
CADC thutkhawm neih niin MNF Legislature Party Leader atan RM. Chakma thlan a ni
Chakma Autonomous District Council (CADC) sawrkar in buaina a tawh avanga thla khat leh a chanve vel CADC Fur thutkhawm neih theih a nih loh hnuah nimin khan thutkhawm neih a ni.
Aizawl New Market building sak hna thawk mek
Aizawl New Market-a building sak that mekah Lushai Engineers Pvt. Ltd te hmalakna chin (foreign lane tia sawi thin), cheng nuai 3,641 senna tur ruahman ah hna thawh tur zaa 30 vel thawh a ni tawh.
Tripura-a awm Tuikuk, Mizoram-a Vote nei te chungchangah Objection ala awm lo
Kolasib District Election Officer leh District Bawrhsap Dr. H. Lalthlangliana chuan Tripura a awm Tuikuk ten Mizoram-a Vote an la neih chungchangah Vawiin thlenga Objection ala awm loh avangin Electoral Roll atanga paih an la ni lo tih a sawi.
Cement Mistiri kokhawm
Mizo Cement Mistiri Association (MCMA) Serchhip District chuan nimin khan Serchhip-a hnamdang Cement Mistiri te Serchhip Chanmari YMA Run-ah kokhawmin Cement Mistiri rate leh ILP chungchang an sawipui a, ,Serchhip mipui te pawhin mahni sponsor loh hnamdang chu chhawr lo turin an ngen bawk. He hunah hian hnamdang Cement Mistiri 15 vel an tel a ni.
DC Office-ah ngaihven theih
Serchhip District Bawrhsap chuan thuchhuah siamin COVID-19 avanga thi te Ex-Gratia pek chungchanga Mizoram sawrkar DM&R Department in thuchhuah siama inkaihhruaina a tarlan angin Serchhip District huamchhunga hetiang dil thei an awm a nih chuan Deputy Commissioner's Office, Serchhip-ah ngaihven theih reng a ni tih a tarlang.
Zan-a pawn chhuah khap
Serchhip District Magistrate Kumar Abhi-shek IAS chuan Inrinni kalta khan thupek thar tichhuakin Section 144 of Cr.PC 1973-in thu-neihna a pek angin Serchhip District Headquarters chhungah zan dar 8:00 leh zing dar 4:00 inkar ah pawn chhuah khap tlat a nih thu a tar-lang a, hei hian phalna pek bik hrang hrangte a huam dawnlo a ni. He thupek hian thupek hmasa chu thlakin, thu leh awm hma chu chhuah a nih atanga thla hnih (2) chhûng a huam anga, thupek zawm lo te chu IPC Section 188 hmangin hrem theih an ni bawk ang.
COVID-19 hri kai thih belh
Inrinni kalta, Oct. 2, 2021 zan dar 10:00 khan HC. Laltluanga (75), Serchhip Bilzel Veng chu COVID-19 vangin DCHC Serchhip-ah a boral a, nimin khan vuiliam a ni. HC. Laltluanga hi natna dang nei bawk niin Sept. 14 khan hri a kai tih hmuhchhuah a nih hnuah Sept. 20 khan DCHC-ah hian dahluh a ni a, Serchhip khawpui chhunga COVID-19 vanga boral hmasa ber niin Serchhip District-ah hri kai boral mi 5 an awm ta a ni.
Hri kai hmuhchhuah 2491 an tling tawh
Nimin thleng khan Serchhip District-ah COVID-19 hri kai 2491 hmuh an ni tawh.
Inkhuahkhirhna siam thar
Mizoram sawrkar in COVID-19 hri leng mek ah inkhuahkhirhna a siam thar angin Serchhip District-ah pawh inkaihhruaina thar siam a ni a, Pathianni/Sabbath ni chhun-ah inkhawm theih a ni tawh dawn.
Serchhip bialtu MLA in Serchhip leh Thenzawl-ah Sample Test-na khawl a pe
Serchhip bialtu MLA Lalduhoma chuan Inrinni kalta khan a bial chhunga damdawi In awmna, Serchhip leh Thenzawl-ah te COVID-19 hri leng dona atana hman turin Fluorescent Immunoassay (FIA) khawl leh Test Kit 250 ve ve a hlan.
Faina Hapta hawnna leh Fai lawmman semna neih a ni
Town chhunga VC Area fai ber - Chanmari VC India ram zalenna kum 75 tlin lawmna, Azadi Ka Amrit Mahotsav (AKAM) puala Faina kawnga hmalakna kharna hun leh Faina Hapta-2021 hawnna chu Inrinni khan Serchhip-ah neih niin Faina kawnga hma la tha te hnenah lawmman sem a ni a, Serchhip Town chhunga VC Area fai berah Chanmari VC chu thlan a ni.
Mizoram-ah hri kai 97,732 hmuhchhuah an ni ta
Mizoram-ah COVID-19 hri kai 97,732 zet hmuhchhuah an ni tawh a, Inrinni khan Sample 7353 enfiah leh niin heng atang hian hri kai 1276 hmuh leh niin Sample enfiah zawng zawng atanga zaa 17.35 te chuan hri an kai a ni.
Tour de Hmuifang Cycling Competition neih a ni
India Hnampa Mahatma Gandhi piancham pualin Inrinni khan ‘Tour de Hmuifang Cycling Competition’ chu neih a ni.
Bru tana a bika ruahmanna siam tha ti lo
Central YMA Executive Committee (CEC) thukhawm chuan Tuirial bial-a Assembly bye-election neih turah Tripura State a awm mek Bru ten vote an thlak theihna tura Election Commission in a bika ruahmanna a siam sak chu tha an tihloh thu an sawi.
Civil Hospital Aizawl-ah ICU Ward thar hawng
Civil Hospital, Aizawl-a khum 10 awm theihna tur Medical Intensive Care Unit (ICU) Ward thar chu Inrinni khan Health Minister Dr. R. Lalthangliana chuan a hawng a, Medical ICU Ward dang khum 10 awmna pawh reilote ah peihfel a nih tur thu a sawi.
Bawlhhlawh paih tur hman tangkai inzirtirna atan Serchhip-ah ‘Waste to Art Exhibition’ neih a ni
Azaadi Ka Amrit Mahotsav (AKAM) Plan kalpui mekah nimin khan bawlhhlawh hman tangkai dan inzirtirna atan Serchhip Auditorium-ah ‘Waste to Art Exhibition’ neih a ni a, he hunah hian bawlhhlawh paih mai mai tur hmang tangkaia thil siamchhuah chi hrang hrang phochhuah a ni.
National Voluntary Blood Donation Day hmang
Ramchhung hmundangte rualin nimin khan Serchhip Blood Bank leh Association for Voluntary Blood Donation (AVBD) Serchhip Branch huaihawtin Serchhip Blood Bank-ah National Voluntary Blood Donation Day hman a ni.
MLA in khawl hlan dawn
Serchhip bialtu MLA Lalduhoma chuan Vawiin hian a bial chhunga Serchhip leh Then-zawl-a hman turin COVID-19 Sample Test-na khawl, Fluorescent Immunoassay (FIA) chu a hlan dawn a, Serchhip-ah chuan chawhma dar 11:00-ah CMO hnenah hlan tur niin bialtu MLA hian Aizawl a pan leh nghal dawn a ni.
Khuahkhirh bikah puang
Tunhnaia COVID-19 hri kai kai hmuh tam zualna Chhiahtlang North VC huamchhunga Zotuithiang Branch YMA huamchhung leh Chhiahtlang South-a Kang Veng Branch YMA huam-chhungte chu Serchhip District Bawrhsap chuan hri leng darh zel tur venna atan leh Contact Tracing mumal leh chak taka kalpui a nih theih nan te hmun khuahkhirh bik (Restricted Area)-ah a puang a. Restricted area chhunga cheng zawng zawngte chu mahni In-ah inkharkhip vek tur niin Dawr nei te pawh hawn phal a ni lo bawk.