Inkaihhruaina tur angin Dawr hawn tan a ni ta

Sawrkar in inkharkhipna kaihhruaina thar a siam angin nimin atang khan Serchhip-ah pawh kal tan niin sumdawnna hmun te pawh hawn tan a ni.
Mizoram sawrkar in Inkharkhip thawh thumna kalpui dan tura ruahmanna a siam bawhzui nan hian Serchhip District Deputy Commissioner, Dr. Lalzirmawia Chhangte chuan hriattirna tichhuakin Serchhip-IV leh Serchhip-VII dawr te chu nikhat dan-a inhawn chhawk tur a nih thu a tarlang a. Hemi atan hian Bazar leh ACO-a dawr hrang hrangte chu A leh B-ah then niin nimin khan A chhinchhiahna nei Dawr te hi hawn a ni a, Vawiin-ah B chhinchhiahna nei Dawr te hawn ve leh a ni anga, hetianghian dawr hrang hrangte hi a inchhawkin hawn a ni ang. Heng dawr hrang hrang hi Social Distancing zawm chunga kalpui tur niin dawr zawng zawng hi tlai dar 5:00-ah khar vek tur a ni thung a, hei hian damdawi dawr erawh a huam lo thung a ni.
Hetihlai hian lirthei chi hrang hrangte tlan dan tura ruahman pawh Vawiin lam atang hian uluk leh khauh zawka kenkawh a ni dawn nia thudawn a ni bawk.

Comments

Chhiar Hlawhte