Thilman pung-a hma la turin sawrkar phut

PRISM Party chuan Mizoram-a nitin mipui mamawh man pung nasa lutuk in mipui nâwlpui tân harsatna a thlen nasat avangin sawrkârin hmâ a lâk thuai a ngâi tih an sawi.

Nimin-a thuchhuah an siamah PRISM Party chuan COVID-19 hripui lêng avanga inkharkhip kan kalpui avangin hna thawh a harsa tih sawiin, hei hian sum harsatna min thlen a, inhlawhfa chawp leh nitin-a ei dap tan harsatna a thlen nasa zual tih an sawi a. Hetihlai hian nitin mamawh lakluh tlemin, nasa takin thilman a pung thung a, thil thenkhat phei chu a let aia nasa in a hma aiin a to tawh nia sawiin, hei hian mipui nâwlpui tan harsatna a thlen nasa tìal tìal tih an sawi a. Fak tlak khawpa sawrkarin COVID-19 dova hma a lak laiin thilman pung zel lam hi a ngaihsak tawk lo nia a lan thu sawiin, mipui harsatna hriaa thilman pung zal veng tura hma lak chu sawrkar mawhphurhna a nih thu leh chak taka hma la tùra sawrkar an ngen thu an tarlang bawk.