Latest News

WATSAN Committe training

PHE Serchhip WATSAN Division hnuaia WATSAN Committee te tana Training chu nimin khan Serchhip P&E Veng YMA Hall-ah neih leha zawhfel a ni a, he training-ah hian Serchhip Sub-Division huamchhunga WATSAN Committee Member te an tel a ni. Hemi hmalam hian East Lungdar Sub-Division huamchhung ami te tan East Lungdar-ah leh Tlungvel Sub-Division huamchhung ami te tan Tlungvel-ah te neih a ni tawh a ni.

Mizoram-a mihring lut tur damdawi in phuh thin

Sawrkar laipui-a Health Ministry in COVID-19 hri ven nana damdawi hmanga mihring phuh chu a remtih loh laiin Mizorama lo lut tur, bungraw phur lirthei enkawltute chu Vairengte-ah damdawi hmanga phuh thin an la ni.
Vairengte-a DDK Palai in Vairengte-a State pawn atanga lo lut te endikna hmun nimin-a a tlawhna ah bungraw phur te hi mpass an nei em tih endik thin anih bakah, lirthei te hi Chlorine in an ti thianghlim thin a, hei bakah hian Driver leh handleman te chu Glutaraldehyde solution hmangin an ti thianghlim thin bawk. Hetihlai hian kumin March ni 30-a Uttar Pradesh a hnathawktu, State dang atanga haw te damdawi hmanga phuh an nih hnuah Health Ministry chuan thupek chhuahin, damdawi hmanga mihring phuh reng reng a khap a, hetihlai hian Kolaisb DC Office chuan mihring tihfai nana an hman, Glutaraldehyde solution chu mihring tana siam bik niin an sawi thung.

Comments

Chhiar Hlawhte