MZP in zirna In te kawm

Mizo Zirlai Pawl (MZP) General Hqrs. chuan nimin khan Aizawl khawpui chhung Private School neitute kawmin Fee lak dan chung-changah ngenna leh rawtna te an sawipui.
MZP chuan Private School hrang hrangin Fee an lak dan chungchangah sawrkar thuneitute hnena ngenna leh rawtna an lo thlen tawh bawhzuina leh hmalakna mumal a awmlo chu pawi an tih thu sawiin, Private School neitute hnenah zirlai harsa leh neilo zawkte School fees la lo turin an ngen nawn leh a. St. Anthony School, Willow Mount School Durtlang, Bambatini School Dur-tlang, Young Learners School, Bawngkawn, Mount Careth School, Dinthar leh Presbyterian English School Durtlang te chuan COVID-19 vanga School khar anih chhung hian zirlaite ah fees hi lak an tum loh thu an lo hrilh a ni.
MZP hruaitute chuan Oikos School, Living Water School, Holy Heart School, Home Misssion School, Tiny Tots School, Staines Memorial School leh KV Multipurpose School te chuan mimal anga fees lak an tum loh thu leh Mizoram Independent School Association (MISA) in Fees lak an tih tlat chuan lak an tum chauh thu an dawn thu sawiin, Catholic School hotute an dawrna ah North East State-a Catholic School te chu inzawmkhawm vek an nih thu leh State then-awm Tripura, Assam leh Meghalaya State sawrkar te chuan ngenna an siam angin COVID-19 vanga Lockdown chhung hian fees an lak loh thu leh Mizoram sawrkar in May 15 thlenga Mizoram Catholic School neitute hnenah ngenna a thlen chuan Fees hi an lak dawnloh thu an lo hrilh tih an sawi bawk.
MZP chuan School thenkhatah online hmanga Class kal ang leh Home Work inpek vanga fees lak tumna awm chu an hrethiam lo tih sawiin, harsatna hrethiama zaa 50 aia sang-a Fee hi la lo turin an ngen bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn