'HPC Artui' tlangzarh a ni

Artui-a Lunglei District a intodelh theihna tura Lunglei High Power Committee (HPC) hmalakna atanga tharchhuah ‘HPC Artui’ chu nimin khan HPC Vice Chairman, Lawmawma Tochhawng chuan a tlangzarh. 
Lunglei HPC Office Conference Hall-a ‘HPC Artui’ tlangzarhna hunah hian HPC Vice Chairman chuan Artui-a Lunglei District a intodelh theihna tura hmalaknaa hlawhtlinna hmuh chhoh mek chu lawmawm a tih thu a sawi bawk.
‘HPC Artui’ project hi Cooperative Society panga - Zobawk South, Ramthar, Pukpui, College Veng leh Lunglawn te kaltlanga kalpui niin Rainbow Rooster Ar note 10,000-in nikum December thla khan bultan a ni a. Ar In sakna leh a tul dangte pawh ngaihtuah sak niin tunah chuan an tharchhuah Artui te chu zawrhchhuah theih a ni ta a ni.

Comments

Chhiar Hlawhte