Latest News

Van Dhan Mission kalpui dan tur sawihona nei

Niminpiah khan Union Minister of Tribal Affairs, Arjun Miunda hovin State tin Cooperation Minister ten Video Conference kaltlangin Van Dhan Mission kalpui dan tur an sawiho.
He Video Conference-ah hian Mizoram Cooperation Minister, C.Lalrinsanga chuan Mizoram District 8-ah Vandhan Vikas Kendra (VVK) 44 din a nih thu leh member 13,200 an awm thu a sawi a. May ni 4, 2020 khan State Implementating Agency- Cooperation Department-ah Rs. 5,81,55,000/- pekchhuah a nih thu a sawi bawk a. VVK pakhat-ah Self Help Group 13 vel an awm a, Vikas Kendra kaihhruaina angin VVK pakhat buatsaih nan Rs. 100,000/- hman a nih thu a sawi bawk.
COVID-19 avanga ramchhunga inkharkhipna kalpui chuan hmalakna duh angin a kal chak loh thu Minister, C.Lalrinsanga chuan sawiin, Van Dhan Mission hmang hian ramchhunga lo nei ten Non-Timber Forest Products atanga sum an hmuh theih a rin thu leh COVID-19 vanga ei leh bar thawhchhuah kawnga harsatna an neihte chu Minimum Support Price hmanga sawrkarin a dawm let theih a rin thu Minister hian a sawi bawk.
Van Dhan Mission hi Mizoram-ah January 23, 2020 khan hman tan a ni a, Self Help Groups 660 an awm a, Tribal Entrepreneurs 5100 vel an awm bawk a ni.

Comments

Popular News (Last 30 Days)