Sawrkar sum renchemna tura rawtna pawm a ni

/
Chief Minister, Zoramthanga hova Council of Minister-te nimin-a thukhawm in COVID-19 leng mek vanga sawrkar sum renchemna tur rawtna an pawm.
I&PR Minister, Lalruatkima sawi danin COVID-19 nghawng doletna atana Mizoram sawrkar inrenchemna tur rawtna pawm tak zingah hian sawrkar hnalak kallai laklawh bik tihloh-ah chuan tul bik a nih loh chuan hna thar lak rih loh tur a ni a, Office inrelbawlna senso, Petrol leh Diesel man leh a dangte tih tlem a ni anga, lirthei thar pawh lei rihloh a ni ang a, sawrkar sum sensona Bill chi hrang hrang Telephone Bill ang chi te pawh tihhniam a ni ang. Council of Minister thukhawm hian Petrol leh Diesel atanga VAT lak mek pawh tlema tihpun an remti a, Diesel-a zaa 12 lak mek chu zaa 14 ah tihpun a ni anga, Petrol atanga chhiah lak zaa 20 pawh zaa 25 ah tihpun a ni ang.
Sawrkar inrelbawlna thil pawimawh dang an pawm zingah Draft Mizoram Government Employees (Counting of Past Service) Rules, 2020 pawh a tel a, Mizoram Goods & Services Tax (Amendment) Ordinance, 2020 pawh pawmin Sports chu Industry-ah an pawm bawk a, company lian leh mimal pawhin Sports chu sumdawn nan hmangin mi tam zawkin eizawnna an neih theih phah beisei a ni a, he ruahmanna hi Mizoram Sports Policy 2019 zulzui leh Mizoram Industrial Policy duan lai mek nen kalkawp tur a ni dawn tih Sports Minister chuan a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »